Łukašenka padpisaŭ zakon «Ab źmienie Kryminalna-pracesualnaha kodeksa Respubliki Biełaruś», jaki robić mahčymym zavočny pieraśled jahonych palityčnych apanientaŭ.
Padpisanym zakonam
uvodzicca instytut śpiecyjalnaj (zavočnaj) vytvorčaści pa kryminalnych spravach u dačynieńni da abvinavačanych, jakija znachodziacca pa-za miežami Biełarusi i «ŭchilajucca ad jaŭki ŭ orhan, što viadzie kryminalny praces».
Taksama zakonam vyznačajecca pieralik składu złačynstvaŭ, pa jakich u dačynieńni da abvinavačanaha moža być raspačataja takaja śpiecyjalnaja sudovaja vytvorčaść.
Da ich adnosiacca — «akt teraryzmu, hienacyd, najomnictva, zdrada dziaržavie, dyviersija, stvareńnie ekstremisckaha farmiravańnia albo ŭdzieł u im, masavyja biesparadki, zakliki da sankcyj».
Viadoma, što ŭ ciapierašnich biełaruskich umovach, kali adsutničajuć jak źjava niezaležnyja śledstva i sud, luboje z hetych abvinavačańniaŭ možna zakidać čałavieku zusim advolna, biez najmienšych na heta padstaŭ, što šyroka i praktykujecca.
Taksama «z ulikam pravaprymianialnaj praktyki ŭdaskanalvajecca paradak abskardžańnia sudovych rašeńniaŭ u kryminalnym pracesie». Uvodziacca novyja stadyi kasacyj i navat dajecca mahčymaść abskardžańnia ŭ apielacyjnym paradku prysudaŭ, jakija vynosiacca Viarchoŭnym Sudom, kali jon dziejničaje ŭ jakaści suda pieršaj instancyi.
Ale ŭ biełaruskich umovach hetyja źmieny nijakaha praktyčnaha značeńnia nie majuć, pakolki kasacyjnyja orhany ŭ łukašenkaŭskaj Biełarusi nikoli nie zadavolvajuć apielacyj pa palityčnych spravach i zaŭsiody pakidajuć prysudy bieź źmienaŭ.
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary
niezaležnyja śledstva i sud, luboje z hetych abvinavačańniaŭ možna zakidać
čałavieku zusim advolna, biez najmienšych na heta padstaŭ, što šyroka i
praktykujecca."