Lidar kijeŭskich vienhraŭ aburyŭsia matyviroŭkaj admovy Vienhryi pastaŭlać zbroju Ukrainie
Kiraŭnik vienhierskaj abščyny Kijeva Tybar Tompa asudziŭ słovy ministra zamiežnych spraŭ Vienhryi Pietera Sijarta, jaki patłumačyŭ admovu dapamahać Ukrainie zbrojaj kłopatam pra zakarpackich vienhraŭ. Jak paviedamlaje «Jeŭrapiejskaja praŭda», svaju pazicyju Tompa ahučyŭ u efiry ŭkrainskaha «24 kanała».
«Ja aburany zajavaj spadara Sijarta, jakuju jon zrabiŭ na kanale CNN. Pa jahonaj łohicy, atrymlivajecca, što ŭ mianie, jak ukrainskaha vienhra, jaki žyvie nie ŭ Zakarpaćci, a ŭ Kijevie, i jašče ŭ 500 ludziej našaj abščyny, stralać možna», — skazaŭ jon.
Akramia hetaha, Tompa spytaŭ u Sijarta, jak jon stavicca da inšych nacyj i narodnościaŭ ci vienhraŭ, jakija žyvuć, naprykład, u Mikałajevie. «Ja kožny dzień ź imi na suviazi. I ich štodnia łupiać rasijskimi rakietami. Heta vielmi i vielmi aburalna», — dadaŭ jon.
Jak paviedamlałasia raniej, u intervju CNN Sijarta zajaviŭ, što Vienhryja admoviłasia ŭdzielničać u pastaŭkach zachodniaj zbroi Ukrainie, kab nie padviarhać niebiaśpiecy rasiejskich abstrełaŭ vienhraŭ, jakija kampaktna žyvuć u Zakarpackaj vobłaści.
Kamientary