Vajna

«Ja nie dumaju, što ŭ Rasii atrymajecca lepš». NASAMS: što za rakietnyja kompleksy atrymaje Ukraina ad amierykancaŭ?

Učora stała viadoma, što ZŠA nabuduć dla Ukrainy narviežskija kompleksy supraćrakietnaj abarony NASAMS. Razabralisia, u čym ich admietnaść.

Norwegian Advanced Surface to Air Missile System. Fota: Øvelse Seapie

Pieradača hetych kompleksaŭ — vialikaja padzieja, piša vajenny historyk Krys Oŭen, jaki padzialiŭsia asablivaściami pracy kompleksu.

Narviežski ŭdaskanaleny rakietny kompleks kłasa «ziamla-pavietra» (NASAMS) spałučaje ŭ sabie puskavyja ŭstanoŭki i sistemy kiravańnia narviežskaj vytvorčaści z amierykanskimi ŭdaskanalenymi rakietami kłasa «pavietra-pavietra» siaredniaj dalokaści AIM-120 (AMRAAMs). Ahulny košt adnoj sistemy składaje 64 miljony dołaraŭ.

Kompleks składajecca z troch batarejaŭ pa try puskavyja kompleksy, a ŭsie 54 rakiety z kožnaha kompleksu mohuć być vypuščanyja pa roznych celach na praciahu 12 siekund. Kompleks moža atakavać da 72 celaŭ adnačasova.

Schiema pracy kompleksa. Fota: twitter.com/ChrisO_wiki

NASAMS mocna adroźnivajecca ad starych ZRK tym, što raźmiarkoŭvaje ŭstanoŭki pa šyrokaj terytoryi z dapamohaj decentralizavanaj sistemy kiravańnia. Kompleks ciažka znajści, a navat kali adzin elemient paškodžany, astatnija častki ŭsio jašče pracujuć.

Da prykładu, kali kanadskija źniščalniki F-18 sutyknulisia z NASAMS na vučeńniach 1999 hoda, jany nie zmahli znajści anivodnaj batarei, u toj čas jak NASAMS zdoleli źniščyć 18 samalotaŭ. «Ja nie dumaju, što ŭ Rasii atrymajecca lepš», — piša Krys.

Vajskovy ekśpiert Tomas Tejnier adznačaje, što dziakujučy ŭniviersalnamu farmatu rakiet AIM-120 NATA zdoleje pastaŭlać rakiety Ukrainie ŭ bolšych kolkaściach. Tolki ciapier Aljans maje bolš za 10 tysiač rakiet i moža vyrablać nie mienš za 800 štohod.

Rakieta AIM-120 maje daskanałuju radyjołakacyjnuju hałoŭku samanaviadzieńnia, jakaja maje vysoki ŭzrovień procidziejańnia srodkam radyjoelektronnaj baraćby, moža ździajśniać manieŭry z vysokimi pierahruzkami i razhaniajecca da 5 tysiačaŭ kiłamietraŭ u hadzinu.

Vielmi važnaj asablivaściu kompleksu źjaŭlajecca toje, što jon faktyčna maje adkrytuju architekturu. U jaho intehrujucca i inšyja srodki vyjaŭleńnia praciŭnika, takija jak stancyi radyjotechničnaj raźviedki dy optyka-prycelnyja stancyi z televizijnym kanałam, što dazvalaje vieści ahoń u režymie poŭnaj maskiroŭki. A sam kompleks intehrujecca ŭ bolš šyrokuju sistemu supraćpavietranaj i supraćrakietnaj abarony standartu NATA.

Dziakujučy NASAMS mahčyma nie tolki nadziejna prykryć važnyja abjekty i harady ad udaru avijacyi, ale i źniščać kryłatyja rakiety. Jany mohuć taksama źniščać balistyčnyja rakiety, takija jak «Iskander» i «Točka-U», što vielmi važna dla Ukrainy.

Ekśpierty pakul nie majuć adkazu na dva važnyja pytańni — kolki kompleksaŭ budzie pastaŭlena va Ukrainu i kali. Bo stvareńnie takoha kompleksu patrabuje času, a niekatoryja krainy Jeŭropy ŭsio jašče čakajuć pastavak, zapłanavanych na 2022—2023 hady (jany spadziajucca, što ZŠA uhavoryć ich «pasunucca» ŭ čarzie).

Ukrainskaje vydańnie Defence Express adznačaje, što NASAMS — najlepšy i samy prahmatyčny varyjant z usich mahčymych. Kompleks raspracoŭvaŭsia pa schiemie «najmienšy košt — najlepšaja jakaść», tamu jon vykarystoŭvaje vielmi raspaŭsiudžanyja technałohii i bojeprypasy. Da prykładu, amierykanskija batarei Patriot, choć i majuć lepšyja jakaści, ale kaštujuć amal u 10 razoŭ daražej.

Ale kali Ukraina budzie mieć na ŭzbrajeńni aktualnyja zienitna-rakietnyja kompleksy, to heta stanie vialikaj pieravahaj dla ŭsioj ukrainskaj sistemy supraćpavietranaj i supraćrakietnaj abarony. Bo samyja novyja sistemy SPA «Buk», jakija ciapier stajać na ŭzbrajeńni USU, vyrablenyja kala 30 hadoŭ tamu.

Kamientary

Ciapier čytajuć

Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ

Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ

Usie naviny →
Usie naviny

«Bolš hladzicie biełaruskaje telebačańnie». Čynoŭnik ź Miniusta adkazaŭ na zakłapočanaść umovami ŭtrymańnia palitviaźniaŭ8

U Minsku za vyroščvańnie kanoplaŭ zatrymali ŭładalnika načnoha kłuba4

U kałonii adpravili tolki 27% karupcyjanieraŭ. A 67% adpuścili dadomu

Małdaŭski aliharch Płachatniuk pryjazdžaŭ u Maskvu i Minsk z čužym pašpartam

«Mnie pahražali rasstrełam». Jak pieraśledujuć biełarusaŭ pa «spravie dvarovych čataŭ»4

Keci Pery schadziła na spatkańnie z Džaścinam Trudo6

Bijatłanistka Łaŭra Dalmajer zahinuła ŭ harach Pakistana2

Danyja pakupnikoŭ upryhožańniaŭ Belaruskicry mahli trapić u ruki siłavikoŭ. HUBAZiK pahražaje kryminałkaj za novyja zakazy9

Ofis Cichanoŭskaj prapanavaŭ ZŠA ideju kruhłaha stała z režymam Łukašenki. Ale jość umovy47

bolš čytanych navin
bolš łajkanych navin

Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ

Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić