Vikipiedystu Marku Biernštejnu prysudzili try hady chatniaj «chimii»
Jaho vyzvalili ŭ zale suda.
Palitviaźniu inkryminavali č. 1 art. 342 KK (arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich). Jaho zatrymali paśla taho, jak jaho piersanalnyja źviestki źjavilisia ŭ telehram-kanale, źviazanym z rasijskimi śpiecsłužbami.
Biernštejn — pradprymalnik i słavuty aŭtar «Vikipiedyi». Jon viadomy va ŭsim śviecie jak Pessimist2006 — topavy redaktar onłajn-encykłapiedyi. Mark uvachodzić u śpis «top-50 najlepšych aŭtaraŭ siehmienta na ruskaj movie».
11 sakavika jaho zatrymali supracoŭniki HUBAZiKa, a ŭ ich telehram-kanale było apublikavanaje fota z nadpisam: «Hety čałaviek raspaŭsiudžvaje fejkavyja antyrasijskija materyjały». Spačatku jaho asudzili na 15 sutak, a potym zaviali kryminalnuju spravu pa č. 1 art. 342 KK (arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich).
Kamientary