U Minsku zatrymali ŭładalnika karaokie-bara «Šum». Za dva tydni da hetaha bar vysielili z pamiaškańnia
Da jaho pryjšli z-za publikacyi karykatury ŭ Fejsbuku.
Mužčynu kličuć Alaksiej (Ukantacie i Fejsbuku maje proźvišča Ralf, ale heta moža być psieŭdanim), jamu 41 hod.
Jon byŭ adnym z zasnavalnikaŭ viadomaha karaokie-bara «Šum», jaki pracavaŭ na Kastryčnickaj. Dva tydni tamu damova na arendu bara była skasavanaja pa inicyjatyvie arendadaŭcy (choć da jaje zakančeńnia było jašče 2,5 hoda), i karaokie nieŭzabavie vyjechała.
Alaksiej zachaplaŭsia histaryčnaj rekanstrukcyjaj i davoli aktyŭny vioŭ sacsietki. Tam jon pisaŭ pra palityčnuju situacyju ŭ krainie, a taksama pra vajnu, padtrymlivaŭ Ukrainu.
U «pakajalnym» videa siłaviki sami vykryli, što aryštavali mužčynu vypadkova — za publikacyju niejkaj karykatury ŭ Fejsbuku. Paśla hetaha jany nibyta vyjavili, što jon byŭ padpisany na płan «Pieramoha». Nieviadoma, ci zaviedzienaja na Alaksieja kryminalnaja sprava.
Kamientary