Manitorynhavaja hrupa «Biełaruski Hajun» sabrała i abahulniła ŭsie viadomyja joj rakietnyja zapuski ź biełaruskaj terytoryi na ŭkrainskuju, jakija pačalisia ŭ 6.20 24 lutaha 2022 hoda.
U składzienaj hrupaj vizualizavanaj chranałohii dobra vidać, što da pačatku sakavika zapuskaŭ adsiul było zusim niašmat, nibyta rasijanie «pramacvali» reakcyju inšych krain na bambavańnie Ukrainy z terytoryi Biełarusi.
Paśla ž zapuski rabilisia pieravažna z nadychodam ciemry ci va ŭmovach mocnaj vobłačnaści, kab pa mahčymaści schavać trajektoryju palotu i vidy rakiet, jakija zapuskajucca.
Pieršy pik zapuskaŭ byŭ zafiksavany 9 sakavika, u toj dzień zrabili minimum 35 rakietnych puskaŭ. Da pačatku krasavika zapuski išli pa narastajučaj dzień za dniom, a najbolšaj bambardziroŭcy ź Biełarusi Ukraina padvierhnułasia 1 krasavika. U toj dzień rakiety zapuskali ŭ pramym sensie kožnyja 10 chvilin, prykryvajučy adstupleńnie rasijskaha vojska z poŭnačy Ukrainy.
Pry hetym zapuski rakiet z terytoryi Biełarusi, chaj i nie ŭ takich maštabach, praciahvajucca da siońnia. Apošni pusk byŭ učora, 3 maja ŭ 11:35.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam25
Kamientary