«Biełaruś nie budzie ŭciahnutaja ŭ vajnu». Makiej zaklikaŭ ES da dyjałohu ź Minskam
Ministr zamiežnych spraŭ Uładzimir Makiej źviarnuŭsia da ES z zaklikam «adnavić dyjałoh» pamiž Minskam i Brusielem.
U liście, datavanym 6 krasavika i vysłanym aficyjna ŭ Jeŭrasajuz dy asabista niekalkim ministram zamiežnych spraŭ krain ES, Makiej zaklikaje Brusiel «admovicca ad abvinavačvańniaŭ i jarłykoŭ, zapalnaj rytoryki i adnabakovych abmiežavalnych mier dy pieraasensavać paradyhmu budučych adnosin Biełarusi i ES».
Jak śćviardžaje Makiej u svaim pasłańni, «my kateharyčna adkidajem lubyja insinuacyi nakont taho, što Biełaruś niejkim čynam anhažavanaja ŭ bajavyja dziejańni va Ukrainie».
«Biełaruś nie budzie ŭciahnutaja ŭ vajnu», — zapeŭnivaje Makiej u liście, dostup da jakoha atrymała «Svaboda».
Pavodle Makieja, sankcyi ES, jakija nibyta majuć na mecie «źmianić pavodziny Biełarusi», u vyniku daduć tolki «mienš ES u Biełarusi».
«Chiba heta ŭ intaresach kahości ŭ Jeŭropie?» — pytajecca kiraŭnik MZS Biełarusi.
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam9
Kamientary