Rakietami byŭ atakavany čyhunačny vakzał Kramatorska. Na adnoj byŭ nadpis pa-rusku «Za dziaciej»
Jak minimum 30 čałaviek zahinuli, bolš za 100 paciarpieli.
Padčas ataki na vakzale znachodzilisia tysiačy čałaviek, jany čakali evakuacyjnych ciahnikoŭ.
Na baku rakiety, jakuju vypuścili pa vakzale ŭ Kramatorsku, byŭ nadpis pa-rusku «Za dietiej».
Alaksiej Arastovič, daradca prezidenta Ukrainy, zajaviŭ, što Kramatorsk byŭ atakavany rakietaj typu «Iskander». Pa słovach daradcy Zialenskaha, rasijanie metanakiravana ŭdaryli pa mirnych ludziach, jakija čakali evakuacyi.
Paźniej Ofis Zialenskaha paviedamiŭ, što ŭdar byŭ naniesieny «Točkoj-U». Hetyja rakietnyja kompleksy savieckaj raspracoŭki. Jany jość na ŭzbrajeńni va Ukrainie, u Rasii jany nibyta z uzbrajeńnia źniatyja, ale ich bačyli pry transparciroŭcy pa Biełarusi.
Rasijskaja i biełaruskaja prapahanda adrazu abvinavacili Ukrainu ŭ atacy na svoj ža horad.
Čytajcie taksama:
Rasija vykarystoŭvaje kasietnyja bojeprypasy va Ukrainie. Čamu jany takija niebiaśpiečnyja
Ciapier čytajuć
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary