Zachodnija raźviedki ličać ličbu ŭ 10000 zahinułych rasijan realistyčnaj
Ličba ŭ 10 tysiač rasijskich vajskoŭcaŭ, zabitych padčas vajny va Ukrainie, — heta «realistyčnaja acenka», skazaŭ na ŭmovach ananimnaści zachodni funkcyjanier karespandentu Bi-bi-si. Hetaja ličba ŭčora nienadoŭha źjaviłasia na prakramloŭskim sajcie, mahčyma, z pryčyny ŭzłomu, a zatym była chutka vydalenaja.
Pa słovach krynicy Bi-bi-si, takaja ličba biezzvarotnych strataŭ aznačaje, što jašče 30—40 tysiač rasijskich vajskoŭcaŭ musiać być paranienyja abo pa inšych pryčynach vybyli sa stroju.
«Heta vielmi značnaje źniasileńnie rasiejskaj armii», — praciahvaje krynica.
Razam z tym, dadaje čynoŭnik, u Rasii jašče zastajecca «šmat siłaŭ i srodkaŭ», tamu jana zdolnaja praciahvać «źniasilvajučy pazicyjny kanflikt niejki čas».
«My asabliva ŭvažliva sočym za maralnym stanam rasijskich vojskaŭ i za ich volaj da praciahu vajny ŭ situacyi, kali vajavać prychodzicca ŭ nasielenych miescach, u rodnasnaj słavianskaj krainie. Heta inšy maštab kanfliktu», — adznačaje krynica.
Najbolš vierahodnym scenaram ujaŭlajecca zachavańnie ciapierašniaha stanovišča, a nie značnaja jaho źmiena, ci to dasiahnieńnie Rasijaj jaje metaŭ, ci vyhnańnie rasijskich vojskaŭ z Ukrainy, dadaje krynica Bi-bi-si.
Pry hetym zachodnija vyviedvalnyja słužby miarkujuć, što apieracyja «pad čužym ściaham» z užyvańniem chimičnaj zbroi mahčymaja, ale imaviernaść jaje nievysokaja.
Karespandent taksama spytaŭsia ŭ surazmoŭcy, jakuju rolu adyhraŭ Zachad u kropkavych udarach ukraincaŭ pa rasijskich hienierałach. Krynica admoviłasia kazać pra padtrymku ŭ hetych vypadkach.
«Adzinaje, što mahu skazać, — my imkniemsia pavyšać uzrovień padtrymki va ŭsich śfierach, z tym, kab va ŭkraincaŭ było ŭsio nieabchodnaje dla abarony ad rasijskaha napadu», — skazaŭ čynoŭnik.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary