Z Savieta Respubliki vyklučyli deputata, jaki dazvalaŭ sabie padkrytykoŭvać uładu
Z 3 sakavika 2022 hoda daterminova spynienyja paŭnamoctvy člena Savieta Respubliki Aleha Sukonki. Takoje rašeńnie pryniaŭ Saviet 15 sakavika 2022 hoda. Pastanova apublikavanaja na Nacyjanalnym pravavym internet-partale, piša reform.by.
U rašeńni paznačanaja pryčyna daterminovaha spynieńnia paŭnamoctvaŭ: «U suviazi z vybrańniem abo pryznačeńniem deputata Pałaty pradstaŭnikoŭ, člena Savieta Respubliki na pasadu, zaniaćcie jakoj pavodle Kanstytucyi Respubliki Biełaruś i hetaha Zakona niesumiaščalnaje z vykanańniem paŭnamoctvaŭ deputata Pałaty pradstaŭnikoŭ, člena Savieta Respubliki».
Na pačatku 2020 hoda Aleh Sukonka paśla krytyki Alaksandra Łukašenki straciŭ pasadu dyrektara RNPC ankałohii i miedycynskaj radyjałohii. Paźniej jon byŭ pryznačany adkaznym za pracu z COVID-19 u Mahiloŭskaj vobłaści.
U lutym 2021 hoda vystupiŭ z rezkaj krytykaj miedycynskich uładaŭ i zaklikaŭ nie chavać statystyku pa karanavirusie. A ŭ červieni 2021 hoda Łukašenka pazbaviŭ Sukonku Dziaržaŭnaj premii za 2020 hod.
18 lutaha 2022 hoda ŭ vykankamaŭskaj haziecie «Uzvyšša» Dziaržynskaha rajona źjaviŭsia artykuł z asudžeńniem Aleha Sukonki. U im havaryłasia pra vyniki schodu deputackaha korpusa Minskaj vobłaści ŭ Barysavie. Adnoj z temaŭ abmierkavańnia stała praca deputata Sukonki.
«Na praciahu apošnich troch hadoŭ vybarščyki Dziaržynskaha rajona (a ich bolš za 55 tysiač) praktyčna nie byli pradstaŭlenyja ŭ vyšejšym orhanie narodaŭładździa — Saviecie Respubliki Nacyjanalnaha schodu. My sa škadavańniem kanstatujem, što vyznačanyja zakanadaŭstvam abaviazki pa pracy z nasielnictvam i deputackim korpusam rajona z boku Aleha Sukonki nie vykonvalisia», — havaryłasia ŭ artykule.
Nibyta nie pravodzilisia «pryjomy hramadzian i pramyja telefonnyja linii, sustrečy z nasielnictvam i pracoŭnymi kalektyvami, deputatami rajona pieršasnaha i bazavaha ŭzroŭniaŭ, nie adznačałasia ŭdziełu ŭ pracy orhanaŭ miascovaha kiravańnia i samakiravańnia, adsutničajuć zapyty, zvaroty i prapanovy ŭ miascovyja orhany ŭłady pa prablemach nasielnictva».
Aŭtar artykuła śćviardžaŭ, što Aleh Sukonka «całkam straciŭ suviaź z nasielnictvam i deputackim korpusam Dziaržynskaha rajona, nastupstvam čaho i źjaviłasia inicyjatyva ab jaho adklikańni jak člena Savieta Respubliki».
Paviedamlałasia, što inicyjatyvu pa adklikańni padtrymali ŭdzielniki schodu deputackaha korpusa Minskaj vobłaści.
Adnak u vyniku, miarkujučy pa apublikavanym rašeńni Savieta Respubliki, Aleh Sukonka byŭ vydaleny z pałaty aficyjna pa inšaj pryčynie.
Čytajcie taksama:
Łukašenka zabraŭ dziaržaŭnyja premii ŭ dvuch daktaroŭ-ankołahaŭ
Sienatar, ankołah Aleh Sukonka pra Karanika: «Heta pieršaradny demahoh, jaho pryviała Kačanava»
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary