Prezident Finlandyi: Pucin bolš nie raźličvaje na źmienu režymu va Ukrainie
Saŭli Niiniścio ličyć, što Pucin nie zacikaŭleny ŭ źmienie režymu va Ukrainie. Pra heta jon zajaviŭ u efiry CNN.
«U Pucina svoj śpis, my ŭsie jaho dobra viedajem, ale mnie zdajecca, źmiena ŭrada Ukrainy bolš nie prysutničaje ŭ hetym śpisie. Kali ja spytaŭ ŭ jaho pra heta [telefonnaja razmova adbyłasia ŭ piatnicu], to atrymaŭ adkaz, što takoj mety nikoli nie było», — iranizuje Niiniścio.
U toj ža čas, pavodle jaho słoŭ, Pucin pa-raniejšamu choča, kab paŭvostraŭ Krym byŭ pryznany častkaj Rasii, pašyreńnia miežaŭ «DNR» i «ŁNR» na ŭsiu terytoryju Danieckaj i Łuhanskaj abłaściej, niejtralitetu Ukrainy. Što da demilitaryzacyi, to, jak adznačyŭ finski prezident, Pucin «skazaŭ, što hety praces praciahvajecca».
Niiniścio taksama skazaŭ, što Pucin chacieŭ by razmaŭlać niepasredna sa Złučanymi Štatami.
Kamientary