Jahoru Marcinoviču i Andreju Skurko dali pa dva z pałovaj hady kałonii
Taki prysud siońnia abviaściła sudździa Zavodskaha rajona Minska Anžeła Kaściukievič. Taki ž termin zaprasiŭ učora prakuror Mikałaj Dziacieł.
Našych kaleh, jakija źjaŭlajucca palitviaźniami, pryznali vinavatymi pa absurdnym abvinavačvańni ŭ «naniasieńni majomasnaj škody biez prykmiet kradziažu, ździejśnienym hrupaj asob pa papiaredniaj zmovie, u bujnym pamiery».
U apošnim słovie našaniŭcy kazali pra svaich svajakoŭ, dla jakich źniavoleńnie stała vialikim udaram, i pieradavali słovy padtrymki tym, chto byŭ razam.
***
Jahora Marcinoviča i Andreja Skurko zatrymali 8 lipienia 2021 hoda. U toj dzień byli zatrymanyja taksama redaktar «Našaj historyi» Andrej Dyńko i buchhałtarka Volha Rakovič. Ich praz 10 dzion adpuścili. U dačynieńni Volhi Rakovič praz peŭny čas kryminalny pieraśled spynili.
Kryminalnuju spravu suprać Jahora Marcinoviča i Andreja Skurko siłaviki zaviali pavodle č. 2 art. 216 Kryminalnaha kodeksa (pryčynieńnie majomasnaj škody biez prykmiet kradziažu, učynienaje hrupaj asobaŭ pa papiaredniaj zmovie abo ŭ bujnym pamiery). Našaniŭcaŭ sudziać pa ekanamičnym artykule za apłatu kamunalnych pasłuh pa taryfach dla fizičnych, a nie jurydyčnych asob.
Pieršapačatkova škodu naličyli ŭ pamiery 3500 rubloŭ. Potym hetaja suma vyrasła da 10 tysiač. Našy kalehi pahasili škodu da suda, «Minskvodakanał» i «Minskenierha» adklikali iski.
Čytajcie taksama:
Jak prachodziŭ sud nad našaniŭcami. Vosiem miesiacaŭ jany praviali za kratami pa absurdnym abvinavačvańni
«Pry dyktatury kali ty najlepšy, pa tabie buduć bić». Kalehi raskazvajuć pra Jahora Marcinoviča, siońnia ŭ jaho dzień narodzinaŭ
«Heta ŭsio miniecca, a my zastaniomsia». Siońnia dzień naradžeńnia Andreja Skurko. Pačytajcie, što piša jon u apošnich listach, i raniej nieviadomyja fakty pra jaho
Ciapier čytajuć
Što viadoma pra zatrymanych radyjoamataraŭ, jakim pahražaje až da rasstrełu11
Kamientary