Siomy dzień vajny. A što kaža Biełaruski fond miru? Epičny dyjałoh
My dazvanilisia ŭ niekatoryja hramadskija arhanizacyi, jakim ułada dazvoliła isnavać, i spytali: što jany ciapier robiać?
U hałoŭnym ofisie Biełaruskaha Čyrvonaha Kryža tłumačać, što dapamahać mohuć tolki tym ludziam, chto na terytoryi našaj krainy
«Našy paŭnamoctvy skančvajucca terytoryjaj našaj respubliki. Ale dapamohu ludziam Ukrainy možna akazać praź mižnarodnuju fiederacyju i mižnarodny kamitet Čyrvonaha Kryža. Jany źbirajuć achviaravańni dla ludziej, jakija paciarpieli i majuć patrebu ŭ dapamozie. Spasyłki jość na našym sajcie», — adkazali ŭ pryjomnaj.
Na sajcie arhanizacyi va Ukrainie sapraŭdy staić hałoŭnaj navinoj.
Treba dadać, što Čyrvony Kryž siońnia dapamahaŭ ukraincam, jakija biehli praz Homielskuju vobłaść. Vałanciory pieradali im pradukty i srodki hihijeny. Pa źviestkach AAN, Biełaruś z pačatku vajny pryniała ŭ siabie 341 ukrainskaha biežanca.
U samu Ukrainu ci pamiežnyja punkty, jak kažuć u hałoŭnym ofisie, jany nie majuć dostupu.
«My hramadskaja arhanizacyja, i inicyjavać pytańnie ab niejkim kalidory, kab pieradać dapamohu, na žal, nie naša kampietencyja. Dostupu pakul tudy niama, tam zakryta ŭsio, niemahčyma pierasiekčy miažu».
My pazvanili taksama ŭ Biełaruski fond mira. Dyjałoh atrymaŭsia epičny.
— Praz vas niejak možna dapamahčy ŭkraincam ciapier, štości arhanizoŭvajecie?
— Nie.
— Naohuł nie? Prosta ŭ vas nazva — fond miru.
— Nie, nie arhanizoŭvajem.
Na sajcie arhanizacyi ni słova pra vajnu, jakaja prosta ciapier idzie ŭ susiedniaj Ukrainie.
Ciapier čytajuć
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ10
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary