Vyjšła kniha pra Vialikaje Kniastva Litoŭskaje za Alaksandram Jahiełončykam
U knizie idzie havorka pra 14-hadovy (1492—1506) pieryjad kiravańnia ŭ Vialikim Kniastvie Litoŭskim Alaksandra Jahiełončyka, paviedamlaje Časopis ARCHE.
Piatkievič, Kšyštaf. Vialikaje Kniastva Litoŭskaje pad uładaj Alaksandra Jahiełončyka. Daśledavańnie historyi dziaržavy i hramadstva na miažy XV—XVI stahodździaŭ / Pierakład z polskaj movy Jaŭhiena Hlinskaha. — Smalensk: Inbiełkult, 2022. — 416 s.
U historyi Alaksandr Jahiełončyk zastaŭsia jak słaby kiraŭnik, pazbaŭleny zdolnaściaŭ i charaktaru, jakija dazvalali b jamu adekvatna adkazvać na vykliki, što paŭstali pierad dziaržavaj u čas, kali jamu vypała joj panavać. Mienavita tady vyjšli najaŭ hramadska-palityčnyja źjavy i pracesy, jakija zastavalisia prychavanymi na praciahu paŭviekavoha (1440—1492) panavańnia baćki Alaksandra Kazimira Jahiełončyka. Dźvie prajhranyja vajny suprać Maskvy ŭ 1492—1494 i 1500—1503 hadach pazbavili Vialikaje Kniastva Litoŭskaje kala traciny terytoryi na ŭschodzie. A paŭdniovaja miaža pastajanna znachodziłasia pad niebiaśpiekaj napadu krymskich tataraŭ.
Aŭtar hetaj manahrafii, historyk z Poznani, adnak, razhladaje i postać samoha Alaksandra, i jahonaje kiravańnie pieradusim z punktu hledžańnia ŭnutranaj palityki. U knizie raskryvajucca asablivaści administracyjna-terytaryjalnaj sistemy, kanfiesijnaja, finansavaja i haspadarčaja palityka, dziejnaść najvažniejšych dziaržaŭnych orhanaŭ (kancylaryja VKŁ), a taksama dajecca vyčarpalny pieralik pradstaŭnikoŭ dziaržaŭnaj elity.
Knihu možna nabyć ŭ minskich kniharniach «Halijafy» (vuł. Niamiha, 3, krama № 47 na cokalnym paviersie), u handlovym centry «Kupałaŭski» (pad Kastryčnickaj płoščaj, krama 41—42), internet-kniharniach kniganosha.by i knihi.by. Na sajcie arche.by vydańnie užo zaraz dastupnaje jak u papiarovaj, tak i ŭ elektronnaj viersijach.
-
Jak kamunisty całkam źniščyli 700‑hadovy horad Most dziela vuhalu. Histaryčnyja kvartały pradavali Halivudu pad zdymki realnych vybuchaŭ
-
Turaŭskija kamiennyja kryžy, jakija nibyta prypłyli z Kijeva, mabyć, pastavili pry Kanstancinie Astrožskim
-
Chto nasamreč pabudavaŭ tualet kala teatra imia Janki Kupały, pra jaki jość znakamitaja lehienda
Ciapier čytajuć
Kala płoščy Banhałor u Minsku vyras jašče adzin zvyšsakretny abjekt18
Kala płoščy Banhałor u Minsku vyras jašče adzin zvyšsakretny abjekt
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary