Žychar Daniecka: «Dy nichto tut nie evakuirujecca. Tolki karcinku pakazvajuć»
Rasijskija ŚMI zapoŭnienyja infarmacyjaj pra evakuacyju žycharoŭ z Danieckaj i Łuhanskaj abłaściej. A što robicca na miescy?
Heta dosyć dziŭna: kiraŭnictva samaabvieščanych DNR i ŁNR zaklikała žycharoŭ respubliki «ŭ samyja karotkija terminy vyjechać na terytoryju Rasii». Miž tym Ukraina raniej nie raz zajaŭlała, što nie źbirajecca viartać Krym i ŭschod Danbasa siłaj, a raźličvaje tolki na dypłamatyju.
Kiraŭnictva krain Zachadu, a taksama raźviedki krain NATA z vosieni papiaredžvali pra mahčymy napad Rasii na Ukrainu na padstavie abarony ruskamoŭnych žycharoŭ Danbasa. Rasija skancentravała na miežach Ukrainy, u tym liku i na terytoryi Biełarusi, kala 150 tysiač vajskoŭcaŭ i pieradavyja sistemy ŭzbrajeńnia, siarod jakich rakietnyja kompleksy «Iskander», avijacyja i supraćpavietranyja kompleksy S-400.
ŚMI paviedamlali taksama ab masavym prybyćci bajcoŭ rasijskich pryvatnych vajennych kampanij u Danbas.
Jak heta ŭsprymajuć ludzi na miescy? My źviazalisia praz mesendžar ź Fiodaram. Ën piensijanier, biełarus pa pachodžańni, rodam ź Viciebskaj vobłaści, žyvie ŭ Daniecku z 1960-ch.
«U nas z žonkaj učora spačatku była panika, — kaža Fiodar. — Adzin syn vyjechaŭ na pracu ŭ Rasiju. A druhi syn vyjechaŭ na pracu va Ukrainu, to ŭ Lvovie rabiŭ, to ŭ Kijevie. A ciapier akurat tam u pracy pierapynak, i jon viarnuŭsia.
I tut — evakuacyja. Ale ŭ nas tut u našym padjeździe rasijski aficer zdymaje kvateru, ź siamjoj. I my hladzim, a jon nikudy svaju siamju nie vyvozić. A, nu jasna,
— kaža žychar Daniecka. — Nichto tut pakul nie evakuirujecca, tolki karcinku pakazvajuć, paru aŭtobusaŭ sabrali».
Siamja Fiodara nie maje namieru vyjazdžać navat u vypadku paŭtareńnia vajennych dziejańniaŭ, anałahičnych tym, što byli ŭ 2014 hodzie.
«Nikudy my nie pajedziem. Chto ŭ 2014-m vyjechaŭ, kali viarnulisia — a kvatery razrabavanyja».
Pa słovach surazmoŭcy «Našaj Nivy», situacyja ŭ Daniecku zastajecca spakojnaj, horad žyvie zvyčajnym žyćciom.
U toj ža čas abstanoŭka vakoł Ukrainy zastajecca napružanaj.
Prezident ZŠA Džo Bajden zajaviŭ učora, što, na jaho dumku, Pucin užo pryniaŭ rašeńnie pra ŭvarvańnie va Ukrainu, adnak dypłamatyčnaje vyrašeńnie nie vyklučanaje da samaha apošniaha momantu, pakul hetaha nie adbyłosia.
«U nas jość padstavy mierkavać, što rasijskija vojski płanujuć i majuć namier atakavać Ukrainu na bližejšym tydni. U bližejšyja dni. My miarkujem, što ich metaj moža stać stalica Ukrainy Kijeŭ, horad, dzie žyvie 2,8 miljona ni ŭ čym nie vinavatych ludziej», — skazaŭ Bajden.
Padrychtoŭka da napadu na Ukrainu. Što adbyvajecca 19 lutaha. Anłajn
Kryłatyja rakiety z «Iskanderaŭ». Voś čamu Ukraina nie vytrymała b poŭnamaštabnaj vajny z Rasijaj i Biełaruśsiu
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Kamientary