Biełaruskaja frystajlistka Hanna Huśkova vyjhrała srebrany miedal na Alimpijadzie ŭ Piekinie. Jana pakazała ŭ supierfinale vydatny skačok z vynikam 107,95.
Zołata vyjhrała kitajanka Siu Mintaa z vynikam 108,61.
«Kali stała ŭ nohi, paśla vyrašalnaha skačka, zrazumieła, što zrabiła ŭsio što mahła. Adznaču, što hety skačok apošni raz skakała ŭ Pchiončchanie, čatyry hady tamu, emocyi pierapaŭniali. Vydatna!!! Rašeńnie vykonvać taki składany skačok pryniali ŭžo na schile, kali paśla druhoj sproby zrazumieła, što treba iści va-bank [paśla dvuch finalnych sprobaŭ Hanna była piataja]. Była ŭpeŭnienaja ŭ svaich siłach, viadoma, składana było jaho zrabić, bo ŭ mianie jon byŭ tolki ŭ hałavie» — prakamientavała fryjstalistka ANT.
Nahadajem, što Hanna vyjhrała taksama załaty miedal na Alimpijadzie ŭ Pchiončchanie. I naohuł frystajlisty zavajoŭvajuć miedali na kožnaj Alimpijadzie z 1998 hoda.
***
Na Hulniach-2022 u biełarusaŭ pakul dva miedali: sionnšniaje srebra Hanny Huśkovaj i srebra Antona Smolskaha ŭ bijatłonie.
Finał u mužčyn-frystajlistaŭ projdzie ŭ sieradu (finał a 13-j pa minskim časie).
U aŭtorak u Piekinie — mužčynskaja bijatłonnaja estafieta (pačatak u 8:30 pa minskim časie), u sieradu — estafieta ŭ žančyn (9:45).
Padpałkoŭnika z fakulteta vajskovaj raźviedki sudziać za «zdradu dziaržavie» pa spravie, jakaja vyhladaje palityčnaj. Što pra jaho viadoma?6
Kamientary