Łukašenka pryznačyŭ dvuch novych ministraŭ, źmianiŭ hiendyrektara STB i jašče šmat kaho

Ministerstva adukacyi ŭznačaliŭ Andrej Ivaniec. Jon zamianiŭ Ihara Karpienku, jaki pierajšoŭ na pasadu kiraŭnika Centrvybarkama. Da hetaha Ivaniec pracavaŭ hałoŭnym vučonym sakratarom Nacyjanalnaj akademii navuk Biełarusi.

Na pasadu ministra sielskaj haspadarki pryznačany Ihar Bryło. Jon pracavaŭ u hetym viedamstvie na pasadzie pieršaha namieśnika ministra.

Novym hiendyrektaram telekanała STB staŭ Alaksandr Asienka. Papiaredni kiraŭnik telekanała Kirył Kazakoŭ atrymaje novaje pryznačeńnie. Da hetaha času Asienka pracavaŭ dyrektaram Navapołackaha kabielnaha telebačańnia «Viektar».

Pavieł Muraviejka pryznačany pieršym namieśnikam dziaržsakratara Savieta biaśpieki Biełarusi. Da hetaha času jon zajmaŭ pasadu namieśnika načalnika Hienieralnaha štaba Uzbrojenych Sił Respubliki Biełarusi — načalnika hałoŭnaha apieratyŭnaha ŭpraŭleńnia.

Aleh Žydkoŭ pryznačyny staršynioj kancerna «Biełdziaržcharčpram». Da hetaha času Žydkoŭ pracavaŭ na pasadzie hienieralnaha dyrektara SP AAT «Spartak».

Łukašenka zrabiŭ kadravyja ratacyi ŭ kiraŭnictvie Ministerstva zamiežnych spraŭ i pryznačyŭ novych pasłoŭ. 

Jon daŭ zhodu na pryznačeńnie Siarhieja Alejnika, jaki raniej zajmaŭ pasadu namieśnika ministra, pieršym namieśnikam ministra zamiežnych spraŭ.

Byli ŭzhodnienyja pryznačeńni dvuch namieśnikaŭ kiraŭnika MZS:

Juryja Ambrazieviča (da hetaha času jon pracavaŭ pastajannym pradstaŭnikom Biełarusi pry Adździaleńni AAN i inšych mižnarodnych arhanizacyjach u Ženievie) i Ihara Nazaruka,  jaki źjaŭlaŭsia dyrektaram Departamienta handlovaj palityki Jeŭrazijskaj ekanamičnaj kamisii.

Łukašenka taksama pryznačyŭ Uładzimira Ułachoviča, jaki kiravaŭ da hetaha času Biełaruskaj handlova-pramysłovaj pałataj, Nadzvyčajnym i Paŭnamocnym Pasłom Biełarusi ŭ Vienhryi, a taksama pa sumiaščalnictvie ŭ Bośnii i Hiercahavinie i Respublicy Charvatyja. 

Nadzvyčajnym i Paŭnamocnym Pasłom Biełarusi ŭ Hruzii pryznačany były staršynia Bresckaha abłvykankama Anatol Lis. 

Uładzimir Baravikoŭ, jaki raniej zajmaŭ pasadu načalnika hałoŭnaha kadravaha ŭpraŭleńnia MZS, pryznačany Nadzvyčajnym i Paŭnamocnym Pasłom Biełarusi ŭ Vjetnamie. 

Pastajannym pradstaŭnikom Biełarusi pry Adździaleńni AAN i inšych mižnarodnych arhanizacyjach u Ženievie pryznačanaja Łarysa Bielskaja, jakaja raniej pracavała načalnikam adździeła źniešniepalityčnaha analizu hałoŭnaha infarmacyjna-analityčnaha ŭpraŭleńnia MZS.

• 0
• 0
• 0
• 1
• 0
• 0
• 0
• 0