Pavodle MZS Šviejcaryi, novapryznačanaja ambasadarka ŭ Biełarusi Kryścine Chonehier Załatuchin prybudzie ŭ Minsk u lutym i płanuje siarod inšaha naviedać palitźniavolenuju šviejcarskuju hramadzianku Natallu Chieršie, piša Deutsche Welle.
Šviejcarskaja ambasadarka ŭručyć davierčyja hramaty biełaruskim uładam, choć MZS Šviejcaryi ličyć, nibyta heta nie akt pryznańnia lehitymnaści Alaksandra Łukašenki. Maŭlaŭ, Šviejcaryja pryznaje tolki dziaržavy, a nakont lehitymnaści ich kiraŭnictva nie vykazvajecca.
Natalla Chierše — uradženka Biełarusi, hramadzianka Šviejcaryi. Za sarvanuju ź siłavika bałakłavu jaje asudzili na dva z pałovaj hady kałonii.
Raniej Chierše niekalki razoŭ kateharyčna admoviłasia pisać prašeńnie ab pamiłavańni na imia Łukašenki, a tamu zastajecca za kratami pa palityčna matyvavanym kryminalnym prysudzie.
30 studzienia Natalla Chierše, jakaja znachodzicca ŭ «krytaj» turmie Mahilova, abviaściła haładoŭku, pratestujučy suprać katavańniaŭ praz pastajanna ŭklučanaje na poŭny huk radyjo ŭ jaje kamiery. Pra heta jana paviedamiła napiaredadni svajmu bratu Hienadziu.
Kamientary