Šviejcaryja nakiruje pasła ŭ Biełaruś. Heta moža być źviazana i z Natallaj Chierše
Šviejcaryja maje namier nakiravać u Minsk novaha pasła. Dypłamat hatovy ŭručyć Alaksandru Łukašenku davierčyja hramaty, piša hazieta Der Bund.
U publikacyi nazyvajuć taksama imia dyplamata — Krystyne Choniehier-Załatuchin. Jaje pryznačyli pasłom u Biełaruś jašče ŭ listapadzie 2020 hoda, ale z taho času jana zastavałasia ŭ Šviejcaryi, tak i nie prylacieŭšy ŭ Minsk.
Svajo rašeńnie ŭ Biernie tłumačać u tym liku intaresami palitźniavolenaj hramadzianki Šviejcaryi Natalli Chierše, pytańnie ab vyzvaleńni jakoj zastajecca na paradku dnia.
Chierše raniej niekalki razoŭ kateharyčna admoviłasia pisać prašeńnie ab pamiłavańni na imia Łukašenki, a tamu zastajecca za kratami pa palityčna matyvavanym kryminalnym prysudzie.
30 studzienia Natalla Chierše, jakaja znachodzicca ŭ «krytaj» turmie Mahilova, abviaściła haładoŭku. Pra heta jana paviedamiła napiaredadni svajmu bratu Hienadziu.
«Ciapier u kamiery Natalli z 6 ranicy i da 22 hadzin — da adboju, na maksimalnuju hučnaść uklučajuć biełaruskaje radyjo. Jana ŭvieś čas u kamery, aproč prahułki na hadzinu, i dla jaje hetaje radyjo nievynosna. Natalla prasiła jaho ścišyć ci vyklučyć, ale nie atrymała stanoŭčaha adkazu, tamu raspačała haładoŭku», — raskazaŭ brat.
-
Jeŭrakamisija pradstaviła prapanovy pa 20‑m pakiecie sankcyj suprać Rasii. Jaho majuć pryniać da hadaviny vajny
-
U Pakistanie ździejśnili terakt u miačeci, zahinuli bolš za 30 čałaviek
-
Hienierał Alaksiejeŭ, u jakoha siońnia stralali ŭ Maskvie, datyčny da katavańnia abaroncaŭ «Azoŭstali». Prakapienka: Spravu daviadziom da kanca
Ciapier čytajuć
«Na 15 chvilin vyklučyli śviatło — boža moj, z Ukrainaj paraŭnali». Łukašenka patłumačyŭ, kolki ekanomić na vuličnym aśviatleńni42
Kamientary