Hramadstva

«Ja nie zdamsia biez boju…» — Alaksandr Fiaduta adnaviŭ u SIZA pryjom lekaŭ

Zatrymany pa spravie zmovy suprać Łukašenki Alaksandr Fiaduta ŭ SIZA na Vaładarskaha abviaščaŭ «miedykamientozny strajk». Niekalki tydniaŭ tamu jon admoviŭsia prymać žyćciova nieabchodnyja leki, patrabujučy, kab jamu viarnuli rukapisy z kamientaryjami da ramana «Kałasy pad siarpom tvaim» Karatkieviča. Heta vielmi niepakoiła rodnych, siabroŭ, kaleh… Stała viadoma, što stan zdaroŭja Fiaduty istotna pahoršyŭsia, navat daviałosia stavić jamu kropielnicy, abvastryłasia padahra, tamu pierasoŭvacca pa kamiery jon moh tolki pry dapamozie sukamiernikaŭ.

I voś narešcie stała viadoma: Fiaduta skončyŭ «strajk».

«Leki ja prymaju z 5 śniežnia, — napisaŭ jon u liście, što narešcie trapiŭ u redakcyju «Narodnaj Voli». — Što tut padziejničała — listy žonki, maja pierapiska sa śviatarami, uhavory sakamiernikaŭ ci pieśnia Vakarčuka «Ja nie zdamsia biez boju», — nie viedaju. Ale ŭ sukupnaści vynik jość».

Sukamierniki ździŭlena hladziać na roznakalarovyja pryharščy tabletak i dumajuć: što horš — kali ja ich nie piŭ, ci kali ja ich pačaŭ pić nanova?»

Advakatka paśla čarhovaha spatkańnia sa svaim padabaronnym zaŭvažyła, čto jon staŭ vyhladać lepš, vidavočna, što leki dziejničajuć.

Treba adznačyć, što, niahledziačy na ŭsiu sprečnaść akcyi, «strajk» usio ž taki daŭ plon: śledčy paabiacaŭ, što rukapisy vučonamu viarnuć, kali jon budzie znajomicca z materyjałami spravy.

Fiaduta nie hublaje svaich firmovych ironii i pačućcia humaru:

«Adnak vyjaviłasia jašče adna zakanamiernaść: čym lepiej ja siabie adčuvaju, tym mienš mnie šancuje padčas hulni ŭ nardy. I naadvarot. Nardy nahadvajuć mnie pra ščaślivyja časy pracy ŭ «BDH», kali partyja ź Piatrom Paŭłavičam Marcavym pieratvarałasia ŭ abmierkavańnie partreta čarhovaha, siońnia ŭžo niezvarotna zabytaha, palityka. Fajnyja byli časy!»

Taksama Alaksandr Iosifavič pieradaŭ asabistaje pryvitańnie hałoŭnamu redaktaru «Narodnaj Voli»:

«Iosifu Paŭłaviču pieradajcie, što jon — mocny mužyk!»

Nu i, kaniečnie, maralnyja i fizičnyja vyprabavańni nie zmahli pazbavić našaha kalehu jaho hałantnaści:

«Usim damam redakcyi ja całuju ručki, a mužčynam ruki cisnu».

***

Alaksandra Fiadutu zatrymali 12 krasavika ŭ Maskvie. Jon razam z Ryhoram Kastusiovym i Jurasiom Ziankovičam źjaŭlajecca fihurantam kryminalnaj spravy ab «zmovie z metaj zachopu ŭłady niekanstytucyjnym šlacham».

Čytajcie taksama: 

U Alaksandra Fiaduty dyjahnastavali vostruju sardečnuju niedastatkovaść. Jon abviaściŭ miedycynskuju zabastoŭku

Fiaduta ŭ SIZA KDB napisaŭ kamientary da «Kałasoŭ pad siarpom tvaim». Ciapier čytaje śledčy

«Vielmi prašu, praciahvajcie pracu dziela biełaruskaj kultury» — Fiaduta z turmy

Kamientary

Ciapier čytajuć

U Polščy aryštavali byłoha kiraŭnika biełaruskaha «Paspalitaha rušeńnia» — pahražaje 10 hod za narkotyki26

U Polščy aryštavali byłoha kiraŭnika biełaruskaha «Paspalitaha rušeńnia» — pahražaje 10 hod za narkotyki

Usie naviny →
Usie naviny

«Nie chacieŭ trapić pad patencyjnuju mabilizacyju». Kim adčuvaje siabie biełaruskaja moładź za miažoj i jak šukaje siabie2

Ruskamirnaja aktyvistka Elvira Mirsalimava vinavacić viciebskija ŭłady ŭ «zmaharstvie»5

«Za paŭtara hoda ja pieratvaryłasia ŭ harodninu». Fitnes-trenierka zachvareła na Bali na nieviadomuju chvarobu22

U mahiloŭskim skviery pastavili ekspazicyju z troch mietaličnych šaroŭ FOTY3

Biełaruska paskardziłasia, što ŭ pašparcie jaje dački nie napisali imia tak, jana chacieła — Estelle Thandie13

U Pinsku daždžom zatapiła rynak. Prablema isnuje daŭno, ale nie vyrašajecca1

Na čyhuncy supracoŭnikam admianiajuć nadbaŭki i skaračajuć štaty4

Pamier ekspartu łuninieckaha fiermiera ŭ Rasiju ŭpieršyniu pierasiahnuŭ 10 miljonaŭ dalaraŭ3

Maładuju kaspłejščycu kinuli ŭ kałoniju za «zakliki da pryčynieńnia škody Biełarusi»8

bolš čytanych navin
bolš łajkanych navin

U Polščy aryštavali byłoha kiraŭnika biełaruskaha «Paspalitaha rušeńnia» — pahražaje 10 hod za narkotyki26

U Polščy aryštavali byłoha kiraŭnika biełaruskaha «Paspalitaha rušeńnia» — pahražaje 10 hod za narkotyki

Hałoŭnaje
Usie naviny →

Zaŭvaha:

 

 

 

 

Zakryć Paviedamić