Šaści čałaviekam pa «spravie razmalavanych ciukoŭ» dali pa hodzie kałonii
Sud Staŭbcoŭskaha rajona vynies prysudy pa rezanansnaj «spravie razmalavanych ciukoŭ z sałomaj» suprać siami palitviaźniaŭ, zatrymanych 1 vieraśnia minułaha hoda ŭ Dziaržynskim rajonie.
Sudździa Viktoryja Sudnik pryznała ŭsich vinavatymi pa č. 2 art. 339 KK (chulihanstva hrupaj asobaŭ) i pryznačyła ŭsim, akramia Kaciaryny Aryki, pa hodzie kałonii va ŭmovach ahulnaha režymu — Andreju Aryku, Maksimu Dubiešku, Alaksandru Babko, Volzie Dubovik, Alenie Dziadziuli, Iharu Myśliŭcu.
Kaciarynu asudzili da 1,5 hoda «chatniaj chimii» i vyzvalili ŭ zale suda.
Abvinavačanych zatrymali 1 vieraśnia minułaha hoda ŭ Dziaržynskim rajonie. Pavodle viersii abvinavačvańnia, jany nanieśli farbavalnikam čyrvonaha i čornaha koleraŭ vyjavy roznaha źmiestu na 82 upakoŭki sienažu, jakija naležać AAT «Krutahorje-Pietkavičy». Škoda skłała 1,5 tysiačy rubloŭ.
U sudzie abvinavačanaja Kaciaryna Aryka raspaviała, što da niekatorych zatrymanych prymianiaŭsia hvałt.
«Namalavali (zatrymanym) na śpinach svastyku. Skazali, što rasstralajuć… razmalavali ruki, tvar. Potym padniali, paviali na pole, rasstavili vakoł ciukoŭ, uziali telefon i zdymali na kamieru. Potym nazad zaviali i pakłali tvaram u ziamlu», — paviedamiła Kaciaryna Aryka.
Fihuranty spravy padkreślili, što arhanizavaŭ «akcyju» praz telehram nieviadomy chłopiec. Siarod zatrymanych jaho nie akazałasia.
Dvoje abvinavačanych pa spravie prapanoŭvali śledčym całkam vykupić razmalavanyja ciuki abo pamyć ich, ale prapanovy navat nie byli pieradadzienyja dyrektaru haspadarki.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2020
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes20
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5555
Kamientary