Шасці чалавекам па «справе размаляваных цюкоў» далі па годзе калоніі
Суд Стаўбцоўскага раёна вынес прысуды па рэзананснай «справе размаляваных цюкоў з саломай» супраць сямі палітвязняў, затрыманых 1 верасня мінулага года ў Дзяржынскім раёне.
Суддзя Вікторыя Суднік прызнала ўсіх вінаватымі па ч. 2 арт. 339 КК (хуліганства групай асобаў) і прызначыла ўсім, акрамя Кацярыны Арыкі, па годзе калоніі ва ўмовах агульнага рэжыму — Андрэю Арыку, Максіму Дубешку, Аляксандру Бабко, Вользе Дубовік, Алене Дзядзюлі, Ігару Мысліўцу.
Кацярыну асудзілі да 1,5 года «хатняй хіміі» і вызвалілі ў зале суда.
Абвінавачаных затрымалі 1 верасня мінулага года ў Дзяржынскім раёне. Паводле версіі абвінавачвання, яны нанеслі фарбавальнікам чырвонага і чорнага колераў выявы рознага зместу на 82 упакоўкі сенажу, якія належаць ААТ «Крутагор'е-Петкавічы». Шкода склала 1,5 тысячы рублёў.
У судзе абвінавачаная Кацярына Арыка распавяла, што да некаторых затрыманых прымяняўся гвалт.
«Намалявалі (затрыманым) на спінах свастыку. Сказалі, што расстраляюць… размалявалі рукі, твар. Потым паднялі, павялі на поле, расставілі вакол цюкоў, узялі тэлефон і здымалі на камеру. Потым назад завялі і паклалі тварам у зямлю», — паведаміла Кацярына Арыка.
Фігуранты справы падкрэслілі, што арганізаваў «акцыю» праз тэлеграм невядомы хлопец. Сярод затрыманых яго не аказалася.
Двое абвінавачаных па справе прапаноўвалі следчым цалкам выкупіць размаляваныя цюкі або памыць іх, але прапановы нават не былі перададзеныя дырэктару гаспадаркі.
-
Навумчык пра незалежнасць Беларусі: Пуцін не здольны мабілізаваць ніводнага беларуса на вайну — нацыянальныя аўтаноміі Расіі не маюць і гэтага
-
Музыканты выдаляюць сваю музыку са Spotify, бо ён спансіруе кампанію, якая вырабляе тысячы дронаў для Украіны
-
У Беларусі сёлета няма чарніц. Калі летась нарыхтоўшчыкі прынялі дзясяткі тон ягад, то сёлета — нічога
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4545
Каментары