U Baranavičach asudzili padletka, jaki kinuŭ vianki ŭ Viečny ahoń i razhramiŭ stadyjon
Sud pryznačyŭ 14-hadovamu padletku pakarańnie ŭ vyhladzie hoda «chatniaj chimii» za chulihanstva i vykradańnie transpartnaha srodku, piša nashkraj.by.
Incydent, za jaki siońnia sudzili chłopca, adbyŭsia ŭviečary 18 kastryčnika 2021 hoda. U milicyju pastupiła paviedamleńnie ad hramadzian, što nieviadomyja kinuli ŭ połymia Viečnaha ahniu kala pomnika vyzvalicielam Baranavičaŭ uskładzienyja da jaho vianki.
Supracoŭniki milicyi ŭstanavili, što da ździajśnieńnia złačynstva datyčnyja troje padletkaŭ. Starejšamu ź ich — 14 hadoŭ, a dvaim pa 13.
U toj ža samy viečar chłopcy praciahnuli hulać na stadyjonie «Łakamatyŭ», dzie ŭ toj čas prachodzili raboty pa rekanstrukcyi. Padletki zaviali adzin z pahruzčykaŭ, kab pakatacca, ale nie spravilisia z kiravańniem i paškodzili mašynu. Paciarpieli i budmateryjały na stadyjonie.
U vyniku ŭ dačynieńni da 14-hadovaha padletka była ŭzbudžanaja kryminalnaja sprava pa art. 339 KK Respubliki Biełaruś («chulihanstva») i art. 214 KK Respubliki Biełaruś («vykradańnie transpartnaha srodku»). Siońnia byŭ vyniesieny prysud — 1 hod abmiežavańnia svabody biez nakiravańnia ŭ vypraŭlenčuju ŭstanovu adkrytaha typu.
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada41
Kamientary