U Hankonhu chamiakoŭ padazrajuć u tym, što jany raznosiać karanavirus. 2 tysiačy žyviolin usypiać.
Chamiaki trapili pad padazreńnie paśla taho, jak 23-hadovaja supracoŭnica zaamahazina stała pieršym za try miesiacy čałaviekam, jaki zaraziŭsia delta-štamam karanavirusa. Pra heta paviedamlaje vydańnie South China Morning Post.
Ułady Hankonha miarkujuć, što heta pieršy vypadak pieradačy COVID-19 ad žyvioły da čałavieka. Zaraz u horadzie płanujuć usypić kala dźviuch tysiač hryzunoŭ z-za pahrozy dalejšaha raspaŭsiudžvańnia virusa.
Miascovych žycharoŭ paprasili zdać usich chamiakoŭ, nabytych paśla 22 śniežnia minułaha hoda. Mienavita ŭ hety dzień u zaamahaziny Hankonha pastupiła novaja partyja hryzunoŭ, jakija mahli być zaražanyja karanavirusam.
«My acanili ryzyki jak adnosna vysokija, i tamu pryniali rašeńnie, zasnavanaje na patrebach hramadskaj achovy zdaroŭja. My zaklikajem usich uładalnikaŭ chatnich žyvioł vykonvać strohuju hihijenu pry kantaktach sa svaimi hadavancami»,
— prakamientavaŭ situacyju ministr sielskaj haspadarki Hankonha Lunh Siŭ-Faj.
Na hetym fonie ŭ horad časova zabaranili ŭvozić drobnych žyvioł.
Padobnaja situacyja ŭ śviecie ŭžo była. U listapadzie 2020 hoda ŭłady Danii pryniali rašeńnie zabić bolš za 10 miljonaŭ norak z-za pahrozy raspaŭsiudžvańnia karonavirusa paśla taho, jak u niekatorych žyvioł vyjavili COVID-19. Miortvych hryzunoŭ chavali ŭ 15 ahulnych mahiłach.
Ciapier čytajuć
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca99
Kamientary