Takajeŭ: udzielnikaŭ mirnych mitynhaŭ nie pavinny pryciahvać da kryminalnaj adkaznaści
Prezident Kazachstana Kasym-Žamart Takajeŭ siońnia zajaviŭ, što padčas antyŭradavych vystupleńniaŭ i režymu nadzvyčajnaha stanovišča ŭ studzieni pravaachoŭnyja orhany zatrymali kala 2 tysiač čałaviek. I paabiacaŭ, što asoby, jakija ździejśnili surjoznyja złačynstvy, paniasuć pakarańnie ŭ adpaviednaści z zakonam.
Pa inšych asobach Takajeŭ daručyŭ Hienprakuratury vyznačyć stupień ich viny. «U vypadku adsutnaści abciažarvalnych abstavinaŭ pryniać miery pa źmiakčeńni pakarańnia», — napisaŭ Takajeŭ na svajoj staroncy ŭ Twitter.
Paźniej słovy kazachstanskaha prezidenta bolš padrabiazna patłumačyŭ jahony pres-sakratar Bieryk Uali. Pavodle jaho, udzielnikaŭ mirnych mitynhaŭ pryciahvać da kryminalnaj adkaznaści nie pavinny.
«Udzielniki mirnych demanstracyj, ličyć prezident, nie pavinny pieraśledvacca ŭ kryminalnym paradku. Jaho pryncypovaja pazicyja — mirnyja schody i mitynhi pavinny pravodzicca ŭ adpaviednaści z zakonam, jaki praduhledžvaje ŭsiaho tolki paviedamlalny charaktar takich mierapryjemstvaŭ. Mitynhi i schody mohuć pravodzicca ŭ centralnych rajonach haradoŭ. Heta vialiki krok napierad u prasoŭvańni demakratyi ŭ našaj krainie», — napisaŭ Uali na svajoj staroncy ŭ Fejsbuku.
Čamu padziei ŭ Kazachstanie nielha paraŭnoŭvać ź biełaruskimi, ale što ź ich łohiki treba zapomnić
Kvietački ci armatura? Kazachstan daje adkaz na hałoŭnaje pytańnie pratestu
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva4
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3030
Kamientary