Siamju Razanovičaŭ, zatrymanych pa «spravie Aŭtuchoviča», pieraviali ŭ hrodzienskuju turmu
Zatrymanych 1 śniežnia 2020 hoda pravasłaŭnaha śviatara Siarhieja Razanoviča, jaho žonku Luboŭ i syna Paŭła pieraviali z bresckaha SIZA-7 u hrodzienskuju turmu №1.
Tam ža ŭžo znachodzicca były palitviazień Mikałaj Aŭtuchovič i inšyja fihuranty spravy. Ich rodnyja kažuć, što sud budzie prachodzić u Hrodnie, što tłumačyć pieravody abvinavačanych u turmu №1, piša «Novy čas».
Śledstva pa «spravie Aŭtuchoviča» skončanaje i chutka budzie pieradadzienaje ŭ sud. Pa spravie prachodzić 13 čałaviek. Razanovičaŭ, jak i inšych, abvinavačvajuć pa art. 289 Kryminalnaha kodeksa — akt teraryzmu.
Viadoma, što Aŭtuchovič byvaŭ u Breście ŭ haściach u siamji Razanovičaŭ. Pa viersii śledstva, siamja nibyta dapamahała jamu chavacca ad siłavikoŭ.
Luboŭ Razanovič raniej vałodała słužbaj taksi, jak i Aŭtuchovič. Muž Lubovi Siarhiej Razanovič — pravasłaŭny śviatar ź vioski Ściapanki Žabinkaŭskaha rajona.
Ich syn Pavieł Razanovič pracavaŭ u adździele prymusovaha vykanańnia Leninskaha rajona Bresta.
Ciapier čytajuć
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»5
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary