Chto staić za nielehalnym bukmiekieram 1xBet? Forbes vypuściŭ svajo rasśledavańnie
Arhanizatary nielehalnaha ŭ Rasii bukmiekiera 1xBet — chłopcy z Branska. Ciapier ich šukajuć i śledčyja, i ašukanyja hulcy. A sami ŭładalniki kantory siadziać na Kipry, u horadzie Limasoł.
Forbes daviedaŭsia, u čym sakret pośpiechu 1xBet i čamu arhanizatary hetaha biznesu (Raman Siemiochin, Siarhiej Karškoŭ i Dźmitryj Kazoryn) abvieščanyja ŭ vyšuk. A taksama pahutaryŭ z uładalnikami skandalnaj bukmiekierskaj kantory.
U siaredzinie 2000-ch Siemiochin z partniorami adkryŭ kampjutarny kłub — u padvale ŭ adnym sa spalnych rajonaŭ Branska. Akramia padletkaŭ, prychodzili ludzi starejšyja, jakija zachodzili ŭ internet dla stavak na sport. Časam staŭki pieravyšali dzionnuju vyručku kłuba. Tady Siemiochin zadumaŭ stvaryć sietku kantor pa pryjomie stavak pad kryłom «Fanbiet».
Svoj pieršy punkt jon adkryŭ u Domie kultury miascovaha mašynabudaŭničaha zavoda. Tam ža vystupała kamanda KVZ, kapitanam jakoj byŭ Siarhiej Karškoŭ (u budučyni jon stanie kiraŭnikom upraŭleńnia pa baraćbie z kibierzłačynnaściu).
Kali ŭ 2009 hodzie ŭ Rasii zakryli kazino, nastupiŭ roskvit bukmiekierskich kantor.
Niekalki hadoŭ tamu handlovaja marka 1xBet pierakačavała na kiprski afšor. Rasijskim lehalnym brendam zastałasia «1chstavka».
Śledstva acaniła nielehalny dachod bukmiekieraŭ za piać hadoŭ u 63 miljardy rasijskich rubloŭ (848 miljonaŭ dalaraŭ). Uładalnikaŭ kantory abviaścili ŭ vyšuk.
Da taho momantu branskija miljardery ŭžo atrymali kiprskija pašparty i siadzieli na vostravie.
U intervju jany zajaŭlajuć, što kali hulcy robiać staŭki na nielehalnaj i zabłakavanaj u Rasii płatformie, to heta adkaznaść samich hulcoŭ. «Moža być, z rehulavańniem tady niešta nie tak?»
U kiprskim ofisie bukmiekieraŭ tolki ajcišnikaŭ pracuje 400 čałaviek. Pracentaŭ 80 ź ich — ludzi z Branska. Jość rabotniki i ź Biełarusi. Ajcišnik tam atrymlivaje ad 3500 jeŭra. Plus kampanija buduje damy i razdaje supracoŭnikam biespracentnyja kredyty na kvatery. I buduje novy ofis za 20 młn jeŭra.
Padrabiaznaści — u videa vyšej.
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary