Navukoŭcy zdoleli ŭznavić abličča faraona Amienchatepa I
Mumija faraona Amienchatepa I da hetaha času zastajecca adnym ź niamnohich zabalzamavanych ciełaŭ kiraŭnikoŭ staražytnaha Jehipta, čyje pareštki sučasnyja daśledčyki jašče nie vyvučali biez pachavalnaha savana. Ale akazałasia, što možna jaho i nie zdymać, piša Meduza.
Mumiju vyjavili ŭ 1881 hodzie ŭ hrabnicy Dejr-al-Bachary ŭ Łuksory i nie stali zdymać ź jaje ilnianyja pialuški, jakija zachavalisia praktyčna ŭ «idealnym» stanie. Zaraz Mumija Amienchatepa I zachoŭvajecca ŭ Jehipieckim muziei ŭ Kairy.
Miascovyja navukoŭcy vyrašyli daśledavać pareštki faraona z dapamohaj kampjutarnaj tamahrafii, kab atrymać ujaŭleńnie, jak jon vyhladaŭ, jakija byli pryčyny jaho śmierci i stan zdaroŭja na jaje momant. Pry dapamozie tamohrafa im udałosia zazirnuć pad pachavalnyja binty i ŭpieršyniu ŭznavić abličča mumii pad im. Vyniki daśledavańnia apublikavanyja ŭ časopisie Frontiers in Medicine.
Jak vyśvietlili navukoŭcy, na momant śmierci Amienchatepu I było 35 hadoŭ, a jahony rost składaŭ prykładna 168,5 santymietraŭ. Tvar faraona byŭ avalnym z vuzkim padbarodkam i nievialikim nosam. Jaho vałasy, miarkujučy pa niekalkich zachavanych pasmach, kučaravilisia, a močka levaha vucha była prakołataja. Daśledčyki taksama adznačyli, što ŭ faraona zachavaŭsia poŭny nabor zuboŭ. Pad pałatnom navukoŭcy taksama vyjavili 30 amuletaŭ i upryhožańniaŭ, u tym liku mietaličny, jak miarkujecca, załaty pojas, vyšyvany pacierkami.
Pryčynu śmierci aŭtaram daśledavańnia vyśvietlić nie ŭdałosia, adnak jany zafiksavali paśmiarotnyja paškodžańni i ślady rekanstrukcyi. Ličycca, što fivanskija žracy XXI dynastyi adnavili i pierapachavali mumiju Amienchatepa I paśla razrabavańnia pieršapačatkovaj hrabnicy.
U armii ZŠA źjaviŭsia robat. Pakul što jon pracuje na kuchni
U kosmas zapuścili ŭnikalny kaśmičny teleskop, jaki kaštavaŭ 10 miljardaŭ dalaraŭ
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary