Na palicach źjaviŭsia «śmiatanny pradukt». Što pra heta kažuć udzielniki rynku?
Čytačy paviedamlajuć pra dziŭnyja navinki na biełaruskim małočnym rynku — tam źjaviŭsia «śmiatanny pradukt», jaki staić na tych ža palicach, što i śmiatana, ale kaštuje tańniej. Pry hetym upakoŭka nie akcentuje ŭvahu na raślinnych kampanientach praduktu, na joj napisana: «z sapraŭdnaha małaka».
Małako, moža, i sapraŭdnaje, ale, kali zirnuć na składniki, akažacca, što zamiest małočnaha tłušču ŭ takim «śmiatannym pradukcie» — tanny raślinny zamianialnik, palmavy alej.
Što praŭda, u inšych krainach Jeŭropy možna znajści «śmiatanu» ci «viarški», na jakich budzie napisana: «Nie ŭtrymlivajuć łaktozu».
Ale heta inšaje, heta ŭ niejkim sensie prymijalny pradukt na vuzkuju aŭdytoryju — viehanaŭ. Tam taksama vykarystoŭvajucca zamianialniki žyviolnaha tłušču, ale darahija, kštałtu mindalnaha aleju.
U Biełarusi schiema inšaja. Tut taki «śmiatanny pradukt» raźličany nie na vuzkuju premijalnuju hrupu spažyŭcoŭ, a na šyrokuju i biednuju. Cana takoj śmiatany amal u 1,5 raza nižejšaja, čym u sapraŭdnaj, a ŭ składzie — niedarahi palmavy alej.
«Heta zusim inšy pradukt, pa smaku nie zusim śmiatana, chacia pa kansistencyi vielmi nahadvaje. Z dapamohaj śpiecyjalnaha abstalavańnia spačatku vydalajecca tłušč z małaka, atrymlivajecca białkovaja asnova, da jakoj potym dadajucca raślinnyja tłuščy, — patłumačyli Onliner na charčovym kambinacie ŭ Horkach, dzie naładzili vypusk śmiatannaha pradukta. — My robim zvyčajnuju śmiatanu i pradukt charčovaj — prosta dziela asartymientu, kab prapanavać pakupnikam niešta novaje. Toje ž samaje, jak z masłam: voś vy prychodzicie ŭ kramu i možacie kupić zvyčajnaje śmietankovaje masła, spred ci marharyn. Ludzi vybirajuć, kamu što bolš padabajecca».
Jak adznačyli ŭ hutarcy z «Našaj Nivaj» udzielniki rynku, śmiatanny pradukt vyrašyli pradavać «z-za padzieńnia prybytkaŭ nasielnictva».
Zhodna z apytańniem daśledčaha centra BEROC, 36% biełarusaŭ vymušanyja ekanomić na ježy.
Čytajcie taksama: U niekalki razoŭ bolš za aficyjnuju inflacyju. Jak padaraželi za hod aliŭje i sieladziec pad šubaj
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary