Siurpryz!

Administracyja Prezidenta Respubliki Biełaruś 30 lipienia biez papiaredžańnia praviała pravierku vykanańnia Dyrektyvy numar 2 «Ab mierach pa dalejšaj debiurakratyzacyi dziaržaŭnaha aparatu» ŭ Partyzanskim rajonie Minska.

Na čale z kiraŭnikom Administracyi Uładzimiram Makiejem rejdavaja hrupa aznajomiłasia, jak na praktycy realizujecca zajaŭny pryncyp «adnaho akna», arhanizujecca pryjom hramadzian pa asabistych pytańniach i jak viadziecca rabota ź ich piśmovymi zvarotami niepasredna ŭ administracyi rajona, jaje strukturnych padraździaleńniach i inšych arhanizacyjach.

U paraŭnańni ź Leninskim rajonam stalicy, u chodzie pravierki jakoha 4 lutaha 2009 h. byŭ vyjaŭleny šerah istotnych niedachopaŭ,

u Partyzanskim rajonie rabota pa vykanańni patrabavańniaŭ Dyrektyvy numar 2 u cełym arhanizana bolš zładžana i sistemna.

U pryvatnaści, u administracyi Partyzanskaha rajona słužba «adnaho akna» funkcyjanuje dastatkova niadrenna.

U raźlikova‑daviedačnym centry ŽREA i nataryjalnaj kantory rajonu dobra pradstaŭlena ŭsia nieabchodnaja infarmacyja i stvorany nieabchodnyja ŭmovy dla raboty z naviedvalnikami.

Razam z tym rejdavaj hrupaj byli adznačany i peŭnyja niedachopy. Naprykład, na infarmacyjnych stendach u administracyi raźmieščana sastarełaja infarmacyja ab pryjomie hramadzian kiraŭnikami Minharvykankama. Staryja źviestki i infarmacyja taksama vyjaŭleny ŭ ŽES‑44.

Było adznačana, što rabota asobnych strukturnych padraździaleńniaŭ administracyi rajona nie ŭ poŭnaj miery adpaviadaje patrabavańniam Dyrektyvy numar 2. U pryvatnaści, rabotniki adździeła žyllovaj palityki i ŭpraŭleńnia sacyjalnaj abarony nie viaduć pryjom hramadzian va ŭsie rabočyja dni tydnia.

Praviaralniki adznačyli, što rabotniki ŭpraŭleńnia sacabarony, adździeła architektury i horadabudaŭnictva, adździeła žyllovaj palityki słaba aryjentujucca ŭ patrabavańniach zakanadaŭstva ab administracyjnych pracedurach.

Uładzimir Makiej u čas hutarki z kiraŭnictvam administracyi i arhanizacyj rajonu padkreśliŭ, što rabota sa zvarotami hramadzian pavinna znachodzicca na pastajannym kantroli.

Takija raptoŭnyja pravierki pa vykanańniu patrabavańniaŭ Dyrektyvy numar 2, jakija pravodzilisia Administracyjaj Prezidenta ŭ Leninskim rajonie stalicy, a taksama 8 červienia ŭ Hrodnie i Hrodzienskaj vobłaści, i ŭ dalejšym buduć pradoŭžany.

BIEŁTA

• 0
• 0
• 0
• 0
• 0
• 0
• 0
• 0