Haspadaru bieła-čyrvona-biełaj chaty pahražajuć kryminalnaj spravaj, kali jon nie pierafarbuje jaje
Hod tamu žychar Połacka Anatol Kachančyk pafarbavaŭ baćkoŭskuju chatu ŭ vioscy Alošča Połackaha rajona ŭ nacyjanalnyja kolery: namalavaŭ na ścienach dźvie biełyja i čyrvonuju pałosy, a ŭ aknie paviesiŭ Pahoniu.
Praz peŭny čas jaho asudzili za heta jak za praviadzieńnie niesankcyjanavanaha pikieta, a ciapier pahražajuć kryminalnaj spravaj — jak za złosnaje chulihanstva.
— Mianie vyklikali, kali ja siadzieŭ, da śledčaha. Toj pakazaŭ mnie stos papier, skazaŭ, što rychtujecca suprać mianie kryminalnaja sprava za złosnaje chulihanstva, kali ja nie pierafarbuju svaju chatu. Ja skazaŭ, što ledź tolki vy raspačniacie kryminalnuju spravu abo administratyŭnuju, ja ŭ toj samy dzień i ŭ tuju samuju hadzinu pišu zajavu na suchuju haładoŭku, — piša «Radyjo Racyja».
Kamientary