Гаспадару бела-чырвона-белай хаты пагражаюць крымінальнай справай, калі ён не перафарбуе яе
Год таму жыхар Полацка Анатоль Каханчык пафарбаваў бацькоўскую хату ў вёсцы Алёшча Полацкага раёна ў нацыянальныя колеры: намаляваў на сценах дзве белыя і чырвоную палосы, а ў акне павесіў Пагоню.
Праз пэўны час яго асудзілі за гэта як за правядзенне несанкцыянаванага пікета, а цяпер пагражаюць крымінальнай справай — як за злоснае хуліганства.
— Мяне выклікалі, калі я сядзеў, да следчага. Той паказаў мне стос папер, сказаў, што рыхтуецца супраць мяне крымінальная справа за злоснае хуліганства, калі я не перафарбую сваю хату. Я сказаў, што ледзь толькі вы распачняце крымінальную справу або адміністратыўную, я ў той самы дзень і ў тую самую гадзіну пішу заяву на сухую галадоўку, — піша «Радыё Рацыя».
Каментары