U maskoŭskim mietro zrabili nadpisy na ŭźbiekskaj i tadžykskaj movach. Miascovyja žychary paskardzilisia ŭładam
Kiraŭnik Rady pa pravach čałavieka pry prezidencie Rasii Valeryj Fadziejeŭ paprasiŭ mera Maskvy Siarhieja Sabianina «razabracca» z nadpisami ŭ maskoŭskim mietro na ŭźbiekskaj i tadžykskaj.
U Radu pastupajuć šmatlikija skarhi na stvareńnie adzinaha mihracyjnaha centra ŭ vioscy Sacharava ŭ Novaj Maskvie. «Asablivaje razdražnieńnie» u žycharoŭ Maskvy vyklikajuć nadpisy na ŭkazalnikach bližejšych stancyj mietro, zroblenyja na ŭźbiekskaj i tadžykskaj.
Fadziejeŭ paprasiŭ Sabianina razhledzieć skarhi žycharoŭ i prainfarmavać jaho ab pryniatych mierach.
Nadpisy na tadžykskaj i ŭźbiekskaj movach źjavilisia ŭ vieraśni na ŭkazalnikach na stancyjach «Prokšyna» i «Lesaparkavaja», ad jakich chodziać aŭtobusy da mihracyjnaha centra. Heta rabili dla zručnaści mihrantaŭ.
Kamientary