Sud pakaraŭ turmoj žycharku Homiela ź psichičnym rasstrojstvam za toje, što ŭziała za ruku amapaŭca
Sud Centralnaha rajona Homiela vynies prysud 49-hadovaj Łarysie Kuźmienka. Za «hvałt nad milicyjaj» (jana schapiła za ruku supracoŭnika AMAP) žančyna pakaranaja 2 hadami pazbaŭleńnia voli ŭ kałonii ahulnaha režymu, piša «Radyjo Svaboda».
U Łarysy depresija i kłaŭstrafobija. Jana sa žniŭnia znachodzicca ŭ turmie. Na sudzie žančyna pieršapačatkova nie davała pakazańniaŭ z pryčyny ciažkaha psichałahičnaha stanu.
27 vieraśnia 2020 hoda ŭ Homieli prachodziła akcyja pratestu. Da jaje ŭdzielnikaŭ supracoŭniki AMAP prymianili ślozaciečny haz i śviatłašumavuju zbroju. Pavodle abvinavačańnia, padčas razhonu demanstrantaŭ Łarysa Kuźmienka schapiła za ruku supracoŭnika AMAP, čym «pryčyniła jamu fizičny bol».
Prakuror prasiŭ dla abvinavačanaj pakarańnie ŭ vyhladzie dvuch hadoŭ pazbaŭleńnia voli z adbyvańniem u kałoni.
Sam paciarpieły na sud nie źjaviŭsia.
«Maje baćki vučyli mianie być dobraj i dapamahać ludziam. Za svaje 49 hadoŭ ja ni razu nikoha nie pakryŭdziła. Ja słabaja žančyna. Ja nikoli nie aśmieliłasia b nakinucca na čałavieka ŭ pahonach. Ja ni ŭ kaho nie pavisała na rukach! Ja była kala cyrka, dzie naohuł nie było supracoŭnikaŭ AMAP. Ja tak spadziavałasia, što śledčy raźbiarecca ŭ majoj spravie. Ciapier ja spadziajusia na toje, što raźbiarecca sud. Nie pazbaŭlajcie mianie taho času, jaki admierany mnie i maim baćkam», — skazała Łarysa ŭ apošnim słovie.
U Łarysy Kuźmienka staryja i chvoryja baćki, mały ŭnuk.
-
Łatuška pra mahčymaść vajny ŭ Biełarusi: Heta ž varjactva, nie ŭjaŭlaju, jak kramloŭskaja prapahanda budzie tłumačyć heta
-
«Da kanca hoda, spadziajusia, zmožam realizavać adnu-dźvie rečy». Babaryka — pra svoj novy prajekt i biełaruskuju movu
-
Čamu na kanfierencyi «Novaja Biełaruś» nie było Siarhieja Cichanoŭskaha?
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»23
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary