Niamiecki Čyrvony Kryž vydzielić mihrantam na miažy 143 tysiačy jeŭra. Na kožnaha ‒ prykładna jak piensija biełarusa. Ale heta nie ŭsio
Hienieralny sakratar Biełaruskaha Čyrvonaha Kryža Dźmitryj Šaŭcoŭ zajaviŭ, što niamiecki Čyrvony Kryž paćvierdziŭ namier vyłučyć dla mihrantaŭ u Biełarusi 143 tys. jeŭra ŭ ramkach humanitarnaj dapamohi.
Pamier niamieckaj dapamohi vyklikaŭ ironiju ŭ praŭładnych th-kanałach: «Kali padzialić pamiž biežancami ŭ TŁC, vyjdzie až pa 150 jeŭra kožnamu», ‒ piša kanał ATN.
Ale ž možna ŭspomnić, što siaredniaja piensija ŭ krainie ‒ 188 jeŭra na miesiac, z kamunałkaj, lekami, praduktami.
143 tys. jeŭra ‒ heta tolki dapamoha niamieckaj arhanizacyi. 27 listapada Šaŭcoŭ zajaviŭ, što biełaruski bok užo atrymaŭ dapamohu ad Mižnarodnaj fiederacyi Čyrvonaha Kryža ŭ pamiery 266 tys. jeŭra.
Ahułam ža, pavodle Šaŭcova, čakajecca, što pamier dapamohi pa linii Mižnarodnaha Čyrvonaha Kryža dla mihrantaŭ składzie kala 6 młn jeŭra.
«Pra kančatkovuju ličbu pakul kazać rana. Abvieščany nadzvyčajny zaklik pa zbory srodkaŭ», ‒ dadaŭ jon.
Alaksandr Łukašenka acaniŭ vydatki Biełarusi na dapamohu mihrantam u $12,6 młn.
«My try dni tamu paličyli: my vydatkavali na ŭsie hetyja mierapryjemstvy [dapamohu mihrantam] $12,6 młn. Jany Čyrvonamu Kryžu našamu pieraličyli $260 000. Razumiejecie, takija miarzotniki», — zajaviŭ Łukašenka 26 listapada.
$12,6 młn ‒ hrošy, što biełaruski bok nibyta vydatkavaŭ na mihrantaŭ. Umoŭnaj tysiačy biełaruskich piensijanieraŭ (mahčyma, stolki mihrantaŭ znachodzicca ciapier na miažy) hetaha chapiła b amal na piać hadoŭ piensii.
To-bok Łukašenka ŭ 12,6 młn dołaraŭ acaniŭ 3 tydni mihranckaha łahiera.
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary