Były prezident Hruzii Michaił Saakašvili padčas pasiadžeńnia suda raspavioŭ, što raskryŭ «antyhruzinskuju zmovu» Maskvy z dapamohaj Alaksandra Łukašenki. Ab hetym piša «Kamiersant».
Raspaviadajučy pra padziei ŭ listapadzie 2007 hoda, Saakašvili zajaviŭ, što za vystupami apazicyi nibyta stajała Rasija. Pry hetym eks-prezident spasłaŭsia na tahačasnyja razmovy z Łukašenkam.
Łukašenka nibyta raspavioŭ Saakašvili, što rasijski lidar Uładzimir Pucin zajaŭlaŭ ab chutkim stanaŭleńni prezidentam Badry Patarkacyšvili — rasijska-hruzinskaha biznesmiena i najbližejšaha partniora Barysa Bierazoŭskaha. Da hetaj razmovy «try hienierały FSB vyjechali ŭ Minsk i sustrelisia tam z Patarkacyšvili», padhavorvajučy zładzić u Tbilisi dziaržaŭny pieravarot, zapeŭniŭ Saakašvili.
«Heta było na pačatku vieraśnia 2007 hoda, a ŭ listapadzie Patarkacyšvili vystupiŭ na vialikim mitynhu ŭ Tbilisi. Nieŭzabavie mitynhi pryniali niebiaśpiečny charaktar, i MUS było vymušanaje ŭžyć siłu», — uzhadaŭ eks-prezident.
Ranicaj 29 listapada Michaiła Saakašvili dastavili ŭ sud na pasiadžeńnie pa spravie ab žorstkim razhonie mitynhu 7 listapada 2007 hoda. Byłoha prezidenta Hruzii abvinavačvajuć u datyčnaści da siłavych dziejańniaŭ palicyi i śpiecsłužbaŭ, u vyniku jakich sotni ŭdzielnikaŭ pratestnaj akcyi patrapili ŭ balnicy ź siarednimi i ciažkimi traŭmami.
Padčas pasiadžeńnia Saakašvili admoviŭsia pryznavać abvinavačvańnie prakuratury i hruzinskaje pravasudździe, paraŭnaŭšy jaho z «zahadzia napisanaj kamiedyjaj».
Ciapier čytajuć
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1212
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach12
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Kamientary