Žonku Andreja Zielcera Maryju Uśpienskuju pryznali palitźniavolenaj
U Biełarusi 5 novych palitviaźniaŭ. Heta Maryja Uśpienskaja, Siarhiej Ivanoŭ, Jaŭhien Koržal, Cimafiej Mažankoŭ i Alaksiej Ihnacienka.
40-hadovuju žančynu zatrymali 28 vieraśnia paśla pierastrełki ŭ kvatery, padčas jakoj zahinuŭ jaje muž Andrej Zielcer i supracoŭnik KDB. Ciapier jana ŭtrymlivajecca za kratami.
U toj dzień supracoŭniki orhanaŭ dziaržaŭnaj biaśpieki ŭ miežach praviadzieńnia śpiecyjalnych mierapryjemstvaŭ «pa adpracoŭcy adrasoŭ, u jakich mahli znachodzicca asoby, datyčnyja da terarystyčnaj dziejnaści», trapili z paškodžańniem dźviarej u kvateru Maryi Uśpienskaj, dzie adzin ź ich zahinuŭ u pierastrełcy z mužam Maryi Uśpienskaj — Andrejem Zielceram.
Pavodle raspaŭsiudžanych Śledčym kamitetam źviestak, zatrymańnie Maryi Uśpienskaj było źviazanaje z padazreńniem ŭ saŭdziele ŭ zabojstvie supracoŭnika KDB. Razam z tym, videasiužet z kvatery paćviardžaje toj fakt, što niepasrednaj roli ŭ toj pierastrełcy Maryja Uśpienskaja nie vykonvała, tolki ažyćciaŭlała videazdymku dziejańniaŭ muža; inšyja akaličnaści taho zdareńnia vyklučajuć abhruntavanyja abvinavačvańni ŭ lubych formach saŭdziełu pavodle papiaredniaj zmovy, pišuć pravaabaroncy.
Ahulnaja kolkaść palitviaźniaŭ skłała 891.
Ciapier čytajuć
Azaronak napisaŭ pra palitemihranta — paśla hetaha brata i baćku taho kinuli za kraty1
Azaronak napisaŭ pra palitemihranta — paśla hetaha brata i baćku taho kinuli za kraty
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie66
Kamientary