«Zatumańvaŭ śviadomaść hramadzian». Zavieršana rasśledavańnie kryminalnaj spravy ŭ dačynieńni da Eduarda Palčysa
Pavodle SK pa horadzie Minsku, 31-hadovy Eduard Palčys zajmaŭsia «złačynnaj dziejnaściu» z 2016 hoda pa vierasień 2020 hoda, kali jaho zatrymali. Palčysa abvinavačvajuć pa čatyroch artykułach.
«Asnoŭnaj zbrojaj Palčysa źjaŭlalisia stvoranyja i kiravanyja im internet-resursy, u tym liku Telegram-kanał i staronki ŭ sacyjalnych sietkach, jakija zachapili bolšuju častku aŭdytoryi krainy, ich davier i vykarystoŭvalisia dla kiravańnia śviadomaściu natoŭpu, skłanieńnia da zapłanavanych złačynnych dziejańniaŭ.
Źmieščanaja jašče z 2016 hoda ŭ resursach infarmacyja pa svaim źmieście była naŭmysna nakiravanaja Palčysam na raspalvańnie sacyjalnaj varožaści i varožaści pa prykmiecie prafiesijnaj prynaležnaści, jakaja tyčycca supracoŭnikaŭ pravaachoŭnych orhanaŭ, dziaržaŭnych słužačych, pradstaŭnikoŭ ułady.
Adnačasova z «zatumańvańniem» śviadomaści hramadzian Palčys zajmaŭsia arhanizacyjaj masavych biesparadkaŭ i hrupavych dziejańniaŭ, jakija hruba parušajuć hramadski paradak», ‒ havorycca ŭ pres-relizie SK.
Dziejańni Eduarda Palčysa kvalifikavany śledstvam pa nastupnych artykułach Kryminalnaha kodeksa Respubliki Biełaruś:
• č. 3 art. 130 (naŭmysnyja dziejańni, nakiravanyja na ŭzbudžeńnie inšaj sacyjalnaj varožaści i varožaści pa prykmiecie inšaj sacyjalnaj prynaležnaści, učynienyja hrupaj asob, jakija pryviali da inšych ciažkich nastupstvaŭ);
• č. 1 art. 293 (arhanizacyja masavych biesparadkaŭ);
• č. 1 art. 342 (arhanizacyja dziejańniaŭ, jakija hruba parušajuć hramadski paradak);
• č. 3 art. 361 (zakliki da dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś).
Rasśledavańnie kryminalnaj spravy zavieršana. Materyjały pieradadzieny prakuroru dla nakiravańnia ŭ sud.
Kamientary