Unačy da miažy ź Litvoj pierakinuli sotni nielehalnych mihrantaŭ, jakija ŭnačy raźbili łahier na biełaruskim baku, kala miažy, pobač z Kapčamiesckaj puščaj, kala nasielenaha punkta Kadyš (Hrodzienski rajon), piša Delfi.
Hrupu z 500 čałaviek siudy dastavili z taho miesca, dzie napiaredadni sabrałasia vialikaja hrupa mihrantaŭ la miažy z Polščaj, paviedamlaje Delfi.
Nielehały raźbili łahier la litoŭskaj miažy, niekatoryja ź ich hrupami sprabavali prabracca na litoŭskuju terytoryju minułaj nočču (usiaho za minułyja sutki na terytoryju krainy sprabavali trapić 73 nielehały). A z 24.00 da 8.00 9 listapada ŭ Litvu sprabavali prajści 82 mihranty.
Adznačajecca, što da vioski Kadyš mihrantaŭ pryvieźli na vajennych mašynach, ich prainstruktavali, kab unačy išli ŭ Litvu. Dla hetaha mihranty pavinny byli padzialicca na hrupy pa 20-25 čałaviek i čakać dalejšych ukazańniaŭ. Paźniej im zahadali raźbicca na hrupy pa 5-7 čałaviek. Sami nielehały raspaviali žurnalistu Delfi, što vajskoŭcy pozna ŭviečary siłaj pasadzili 500 mihrantaŭ u vajskovyja hruzaviki i pavieźli ŭ nieviadomym kirunku.
«Było ciomna, kali źjaviłasia šmat vajskoŭcaŭ. My ź niadzieli znachodzilisia la polskaj miažy, kala AZS. Vajskoŭcy byli tam z abiedu ŭ paniadziełak, jany byli z sabakami, uzbrojenyja. Uviečary ich stała jašče bolš, na ich była inšaja ŭniforma, jak u sałdat. Tych, chto byŭ nie ŭ centry łahiera, pasadzili ŭ vialikija mašyny, usich —dziaciej, siemji, 500 čałaviek. Zahadali sieści, skazali, što paviazuć u Polšču. Ludzi płakali, prasili nikudy ich nie vieźci, nie adździalać ad łahiera i blizkich. Tady pačali stralać u pavietra. Nas pasadzili ŭ mašyny i kala hadziny kudyści vieźli», — raspaviali nielehały žurnalistu Delfi.
Situacyja na miažy. Što viadoma na ranak 9 listapada
Urad Litvy pryniaŭ rašeńnie ŭvieści režym nadzvyčajnaha stanovišča na miažy ź Biełaruśsiu
-
Izrail vysyłaje «Lekaraŭ bieź miežaŭ» ź siektara Haza. Miedyki admovilisia davać imiony svaich ludziej u ruki siłavikoŭ, aścierhajučysia represij suprać piersanału
-
Abaranić Izrail i arabskich sajuźnikaŭ. ZŠA nie ŭdarać pa Iranie, pakul nie załatajuć dzirki ŭ SPA
-
Tramp vyrašyŭ pabudavać u Vašynhtonie hihanckuju tryumfalnuju arku, jakaja budzie bolšaj za paryžskuju
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary