Bukieraŭskaja premija pa litaratury 2021 hoda prysudžana piśmieńniku z PAR Dejmanu Hełhutu za raman-sahu «Abiacańnie» pra ŭzajemaadnosiny biełaj siamji fiermieraŭ i ich čarnaskuraj słužanki ŭ časy aparteidu i paśla jaho admieny.
«Ja vielmi, pa-sapraŭdnamu, pakorliva ŭdziačny», — skazaŭ Dejman Hełhut, prymajučy hałoŭnuju premiju anhłamoŭnaj litaratury na cyrymonii 3 listapada ŭ Łondanie, Bi-bi-si.
Piśmieńnik i dramaturh Dejman Hełhut, jakomu praz tydzień ź nievialikim spoŭnicca 58 hadoŭ, trapiŭ u šort-list naminantaŭ Bukieraŭskaj premii (uručajecca ŭ halinie anhłamoŭnaj litaratury) užo treci raz. Pieršyja dva byli ŭ 2003 i 2010 hadach.
Prestyžnaje zvańnie łaŭreata Bukieraŭskaj premii i 50 tysiač funtaŭ (68,2 tys dalaraŭ) Hiłhud atrymaŭ za raman «Abiacańnie» (The Promise), dziejańnie jakoha adbyvajecca ciaham 40 hadoŭ.
Hałoŭnaja siužetnaja linija ŭ im — abiacańnie staroj haspadyni fiermy pad Pretoryjaj padaryć słužancy dom, u jakim jana žyvie. Abiacańnie, jakoje nastupnyja pakaleńni biełaj siamji fiermieraŭ nijak nie mohuć vykanać.
Ciapier čytajuć
Alaksiej Chlastoŭ, jaki pajšoŭ u taksisty, staŭ hierojem internetu. Biełarusy zapuścili fłešmob, kab padtrymać śpievaka z čornaha śpisu12
Kamientary