Savinych: Na Zachadzie nasamreč niama demakratyi, a ŭ Biełarusi jana prysutničaje
Na Zachadzie nasamreč niama demakratyi, a ŭ Biełarusi ŭ realnym svaim źmieście jana prysutničaje. Pra heta staršynia Pastajannaj kamisii pa mižnarodnych spravach Pałaty pradstaŭnikoŭ Andrej Savinych zajaviŭ u efiry YouTube-kanała «Hłavnyj. Tur».
«Biełaruś navat blizka i pobač nie staić z dyktaturaj. Heta vyklučana. U Biełarusi vybudavana sacyjalnaja dziaržava, realna zabiaśpiečvajecca viaršenstva zakona. My možam kazać ab tym, što my addanyja peŭnym kaštoŭnaściam, jakija my hatovyja abaraniać. Ale heta navat nie aŭtarytaryzm. Tak, isnuje peŭnaja linija. Ale tut niama supraćpastaŭleńnia demakratyi jak sposabu pryniaćcia rašeńniaŭ. Naadvarot, jakraz demakratyja ŭ realnym svaim źmieście prysutničaje ŭ Biełarusi», — upeŭnieny parłamientaryj.
Adnačasova jon ličyć, što na Zachadzie nasamreč niama demakratyi. «Jana tam isnuje tolki ŭ vuzkim poli pryniaćcia peŭnych rašeńniaŭ na ŭzroŭni palityčnych partyj. Ale ŭsie stratehičnyja rašeńni prymajucca va ŭnutranym kontury. Narod u pryniaćci hetych rašeńniaŭ, naturalna, nie ŭdzielničaje. Realny stratehičny kurs vyrašajecca na ŭzroŭni finansava-pramysłovych elitaŭ», — śćviardžaje Savinych.
Kamientary