Kadravy kryzis u Vialikabrytanii: kiroŭcam-zamiežnikam vydaduć 5000 viz
Urad Vialikabrytanii vyrašyŭ vydać 5 tysiač viz, kab pryciahnuć u krainu kiroŭcaŭ-prafiesijanałaŭ, paviedamlaje Autonews.ru. Niedachop kiroŭcaŭ vyklikaŭ vialikija ciažkaści ŭ transpartnaj i charčovaj pramysłovaści, a ciapier paŭstała novaja prablema.
Vostry niedachop vadzicielskich kadraŭ na hetym tydni spravakavaŭ u Brytanii sapraŭdny paliŭny kryzis — ciapier u krainie vystrojvajucca vielizarnyja čerhi na aŭtazapravačnych stancyjach. Taki ažyjataž, jak śćviardžaje brytanskaje vydańnie Evening Standart, vyklikali dziejańni naftavaj kampanii BP, jakaja zakryła niekalki svaich AZS praz prablemy z kadrami — karparacyja zajaviła, što adčuvaje vostry niedachop kiroŭcaŭ bienzavozaŭ.
Urad maje namier vydać 10,5 tysiačy viz dla taho, kab pryciahnuć u krainu rabočych — ličycca, što heta moža palehčyć ahulny kryzis u krainie.
Z 10,5 tysiač viz 5 tysiač atrymajuć kiroŭcy, a jašče 5,5 tysiačy — rabočyja na ptuškafabrykach.
Akramia taho, urad Vialikabrytanii adpraviŭ kala 1 młn listoŭ tym kiroŭcam, jakija vyjšli na piensiju, i prapanavaŭ im znoŭ papracavać. Im paabiacali bolš vysokuju zarpłatu i hrafik bieź pierapracovak. Taksama ŭłady płanujuć navučyć kala 3 tysiač čałaviek, jak kiravać bienzavozam.
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary