U sudzie Zavodskaha rajona 7 vieraśnia razhladałasia čarhovaja kryminalnaja sprava, zaviedzienaja na Alaksieja Lipienia za abrazu słužbovaj asoby (art. 369 KK RB), paviedamlajuć pravaabaroncy.
Dahetul jaho sudzili za abrazu supracoŭnikaŭ milicyi ŭ sacyjalnych sietkach trojčy: 13 krasavika, 31 maja, i 15 lipienia. Ahułam byŭ asudžany na 5 hod abmiežavańnia voli va ŭstanovie adkrytaha typu.
Kryminalnyja spravy byli zaviedzienyja za toje, što na praciahu dvuch miesiacaŭ Alaksiej pakidaŭ abraźlivyja kamientary i pahrozy ŭ adras milicyjantaŭ u adnym z telehram-kanałaŭ.
Alaksiej Lipień pryznany palityčnym źniavolenym.
Novuju kryminalnuju spravu razhladaje sudździa Alena Kapcevič.
U jakaści čarhovaha paciarpiełaha vystupaje staršy ŭčastkovy inśpiektar milicyi Śvietłahorskaha RAUS, major milicyi Alaksandr Pieravierdnieŭcaŭ.
Alaksiej Lipień nieadnarazova, vykarystoŭvajučy roznyja niknejmy, u tym liku «Saviecki mały», pakidaŭ abraźlivyja kamientary pad fota supracoŭnikaŭ milicyi ŭ telehram-kanale «Karniki Biełarusi» ŭ pieryjad z 29 kastryčnika pa 18 śniežnia 2020 hoda.
Paciarpieły na pasiadžeńnie nie źjaviŭsia. Adnak padaŭ materyjalny pazoŭ za maralnyja pakuty ŭ pamiery 3000 rubloŭ.
Sud pastanaviŭ pakarać Lipienia štrafam u pamiery 1000 rub, biez dabaŭleńnia terminu abmiežavańnia voli.
Pa raniejšych sudach abvinavačany pavinien byŭ spłacić kampiensacyju naniesienaj maralnaj škody paciarpiełym supracoŭnikam milicyi ŭ pamiery 5500 rubloŭ i sudovyja vydatki ŭ pamiery 522 rubli. Ciapier hetaja suma, z ulikam novaha materyjalnaha pazovu, istotna vyrasła.
-
U Homieli znoŭ pracuje restaran «Spadčyna», zakryty paśla «Hukańnia viasny»
-
«Ja zakančvaju efir, ja prosta nie mahu». Kavieryna daviała da šalenstva dyskusija sa śviatarom Šramko
-
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja
Ciapier čytajuć
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja11
Kamientary