Adrazu ŭ troch dziaržaŭnych časopisach źmianilisia hałoŭnyja redaktary
Z pačatku lipienia litaraturnyja časopisy «Połymia», «Maładość» i «Nioman» pieradali vydaviectvu «Mastackaja litaratura». U ich całkam źmianilisia hałoŭnyja redaktary, što prajšło niezaŭvažanym.
Apošnija dzieviać hadoŭ hetyja vydańni znachodzilisia ŭ struktury Vydavieckaha doma «Źviazda».
Časopis «Połymia» ŭznačalvała teatralny krytyk Alena Malčeŭskaja, «Maładość» — pierakładčyca Śviatłana Vocinava, «Nioman» — piśmieńnica i pierakładčyca Julija Alejčanka.
Vocinavu zvolnili ŭ lutym, inšyja hałoŭnyja redaktary dapracavali na svajoj pasadzie da pačatku lipienia, kali časopisy pieradali «Mastackaj litaratury».
Ciapier hałoŭny redaktar «Niomana» — piśmieńnik Aleś Badak, jaki adnačasova źjaŭlajecca dyrektaram vydaviectva «Mastackaja litaratura». Jon užo ŭznačalvaŭ hetaje ruskamoŭnaje litaraturnaje vydańnie ŭ pieršaj pałovie dziasiatych hadoŭ.
Hałoŭnym redaktaram «Połymia» staŭ paet Viktar Šnip, jaki adnačasova źjaŭlajecca hałoŭnym redaktaram vydaviectva «Mastackaja litaratura». Šnip — muž piśmieńnicy Ludmiły Rubleŭskaj.
Hałoŭnym redaktaram «Maładości» stała Volha Racevič. Jana pracuje redaktaram vydaviectva. U jaje pierakładzie vychodzili knihi ŭkrainskich piśmieńnikaŭ.
Kamientary