Sočyva ź pialostkaŭ ruž ličycca sapraŭdnym dalikatesam, a hałoŭny inhrydyjent dla jaho pryhatavańnia možna znajści na kvietniku lecišča. Z hetaha recepta atrymajecca desiert ź niepaŭtornym vodaram i smakam. Duchmianaje sočyva z ružy i šypšyny jašče i vielmi karysnaje, bo pialostki majuć u svaim składzie mnohija arhaničnyja kisłoty, vitaminy, mikraelemienty, kieracin i efirny alej.
Fota Depositphotos.com
Vam spatrebicca:
300 h pialostkaŭ ruž
500 h cukru
Limonnaja kisłata na končyku čajnaj łyžki
1 šklanka vady
- U asobnuju misku vykłaści pialostki ružy i vymyć ich.
- U kastrulu vysypać cukar i zalić jaho haračaj vadoj. Pieramiašać i varyć cukrovy sirop na praciahu 10 chvilin.
- U haračy cukrovy sirop dadać pialostki ruž i pieramiašać. Na pavolnym ahni varyć sočyva na praciahu 30 chvilin.
- Za 5 chvilin da kanca varki dadać limonnuju kisłatu, kab sočyva zachavała pryhožy ružovy koler.
- Pakinuć sočyva astudzicca, a zatym znoŭ davieści jaho da kipieńnia i varyć 15 chvilin. Sočyva musić zahuścieć, a struktura pialostkaŭ budzie vyrazna bačnaj. Pa kansistencyi sočyva budzie nahadvać vadki miod.
- Pryhatavanaje sočyva raźlić u słoiki i zakatać.
Smačna jeści!
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna2
Kamientary