Prezident Ukrainy Uładzimir Zialenski adkazaŭ na śćviardžeńni Uładzimira Pucina ab tym, što ŭkraincy i rasijanie — adzin narod, štučna padzieleny ŭ adnosna niadaŭniaj historyi, piša Bi-bi-si.
Zialenski daŭ intervju infarmacyjnamu ahienctvu Interfaks-Ukraina, žurnalist jakoha paprasiŭ jaho adkazać na vykazvańni Pucina padčas «pramoj linii» ŭ sieradu.
«Čamu Ukraina nie ŭvachodzić u śpis niedružalubnych krain? Tamu što ja nie liču, što ŭkrainski narod — niedružalubny nam narod, — zajaviŭ učora prezident Rasii. — Ja ŭžo šmat razoŭ kazaŭ pra heta, mahu paŭtaryć jašče raz: ja liču, što ŭkraincy i ruskija — heta naohuł adzin narod».
Zialenski adkazaŭ na heta tak: «Davajcie narešcie rasstavim kropki nad «i». My dakładna nie adzin narod. Tak, u nas jość šmat ahulnaha. U nas ahulnaja častka historyi, pamiać, susiedstva, svajaki, ahulnaja pieramoha nad fašyzmam i ahulnyja trahiedyi. Tak, usio heta vielmi važna, i my pra heta pamiatajem».
«Ale my, paŭtaru jašče raz, nie adzin narod. Byli b adnym narodam, to ŭ Maskvie, chutčej za ŭsio, chadzili b hryŭny, a nad Dziarždumaj łunaŭ by žoŭta-błakitny ściah. Tak što dakładna nie adzin narod. U kožnaha z nas svoj šlach», — dadaŭ Zialenski.
Ciapier čytajuć
Stali viadomyja padrabiaznaści pra trahiedyju ŭ Połackim manastyry8
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary