Прэзідэнт Украіны Уладзімір Зяленскі адказаў на сцвярджэнні Уладзіміра Пуціна аб тым, што ўкраінцы і расіяне — адзін народ, штучна падзелены ў адносна нядаўняй гісторыі, піша Бі-бі-сі.
Зяленскі даў інтэрв'ю інфармацыйнаму агенцтву Інтэрфакс-Украіна, журналіст якога папрасіў яго адказаць на выказванні Пуціна падчас «прамой лініі» ў сераду.
«Чаму Украіна не ўваходзіць у спіс недружалюбных краін? Таму што я не лічу, што ўкраінскі народ — недружалюбны нам народ, — заявіў учора прэзідэнт Расіі. — Я ўжо шмат разоў казаў пра гэта, магу паўтарыць яшчэ раз: я лічу, што ўкраінцы і рускія — гэта наогул адзін народ».
Зяленскі адказаў на гэта так: «Давайце нарэшце расставім кропкі над «i». Мы дакладна не адзін народ. Так, у нас ёсць шмат агульнага. У нас агульная частка гісторыі, памяць, суседства, сваякі, агульная перамога над фашызмам і агульныя трагедыі. Так, усё гэта вельмі важна, і мы пра гэта памятаем».
«Але мы, паўтару яшчэ раз, не адзін народ. Былі б адным народам, то ў Маскве, хутчэй за ўсё, хадзілі б грыўны, а над Дзярждумай лунаў бы жоўта-блакітны сцяг. Так што дакладна не адзін народ. У кожнага з нас свой шлях», — дадаў Зяленскі.
Цяпер чытаюць
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў7
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары