Śviet

Uschodniejeŭrapiejskija kibierzłačyncy masava atakujuć balnicy ZŠA 

U apošnija miesiacy było ździejśniena niekalki kibieratak na balnicy ZŠA, u vyniku jakich spynialisia niekatoryja apieracyi, zatrymlivałasia akazańnie miedacynskaj dapamohi, a ŭstanovy ciarpieli vializnyja ŭbytki na miljony dalaraŭ.

Fota Depositphotos.com

Za hetymi złačynstvami staić hrupoŭka chakieraŭ z Uschodniaj Jeŭropy, jakaja, na dumku byłych supracoŭnikaŭ pravachoŭnych orhanaŭ, maje suviazi z rasijskimi śpiecsłužbami. Hrupoŭka Ryuk źjaŭlajecca adnoj z najvialikšych band vymahalnikaŭ u śviecie, na dolu jakoj prychodzicca treć ź miljonaŭ atak u metach vymahańnia ŭ ZŠA ŭ 2020 hodzie, pa źviestkach firmy pa kibierbiaśpiecy SonicWall.

Pa źviestkach analityčnaj firmy Chainalysis, letaś vymahalniki Ryuk sabrali nie mienš za sto miljonaŭ dalaraŭ u jakaści vypłačanaha im vykupu, piša The Wall Street Journal.

Hrupoŭka atakuje bujnyja arhanizacyja ź vialikimi resursami.

Chakiery ŭzłamvajuć ich sietki i ŭstaloŭvajuć škodnaje prahramnaje zabieśpiačeńnie, jakoje błakuje kožny fajł na kožnym kampjutary arhanizacyi z dapamohaj parola. U abmien na parol chakiery patrabujuć vializnyja sumy ad achviar ich atak.

U apošni čas pad ataku chakieraŭ časta traplajuć balnicy i inšyja miedycynskija ŭstanovy ZŠA. Z 2018 hoda paciarpieli jak minimum 235 balnic ZŠA ad kibieratak Ryuk. Usie hetyja arhanizacyi całkam zaležać ad kampjutaraŭ, dzie znachodziacca ŭsie źviestki pra pacyjentaŭ, a šmat sučasnych miedycynskich pryład patrabuje padklučeńnia da kampjutarnych sietak.

Dla kibierzłačyncaŭ balnicy — adny z samych prybytkovych abjektaŭ, bo bolšaść z takich ustanoŭ maje słaby kantrol nad kibierbiaśpiekaj, a biznes, źviazany z žyćciom ludziej, spryjaje paśpiachovamu vymahańniu dla złačyncaŭ.

Niekatoryja bandy vymahalnikaŭ paźbiahajuć atak na miedustanovy, bo razumiejuć, što hetym mohuć naškodzić ludziam, jakim praz kibierataku nie akažuć svoječasovuju miedycynskuju dapamohu. Adnak hrupoŭku Ryuk heta nie spyniaje.

Chakiery viaduć pieramovy z achviarami, vykarystoŭvajučy adnarazovyja ŭlikovyja zapisy veb-pošty, tamu vyjavić asobu złačynca pravaachoŭnym orhanam nie ŭdajecca.

Urad ZŠA i mižnarodnyja pravaachoŭnyja orhany supracoŭničajuć z technałahičnymi firmami, kab praduchilić nastupstvy chakierskich atak. Adnak z kožnaj niaŭdačaj kibierzłačyncaŭ ich nastupnyja ataki stanoviacca tolki bolš daskanałymi.

Letaś u vieraśni chakiery adklučyli kampjutary adnoj z najvialikšych balničnych sietak ZŠA Universal Health Services. Kala 250 balnic zastalisia biez dostupu da miedycynskich zapisaŭ pacyjentaŭ, vynikaŭ łabaratornych analizaŭ i zamoŭ na leki. Spatrebiłasia niekalki tydniaŭ, kab adnavić kampjutarnuju sietku balnicy.

Kamientary

Ciapier čytajuć

Anatol Kotaŭ užo vyjazdžaŭ u Turcyju i ličyŭ jaje biaśpiečnaj — krynicy8

Anatol Kotaŭ užo vyjazdžaŭ u Turcyju i ličyŭ jaje biaśpiečnaj — krynicy

Usie naviny →
Usie naviny

U Hiermanii nastaŭnica 16 hadoŭ znachodziłasia na balničnym i atrymlivała poŭny zarobak3

Mierc: Dziaržava ŭsieahulnaha dabrabytu finansava niežyćciazdolnaja12

Antanina Kanavałava raskazała, jak jaje prymušali padpisać prašeńnie pra pamiłavańnie2

U Rasii prosicca na vajnu asudžany na pažyćciovaje źniavoleńnie kiraŭnik hrupoŭki kileraŭ1

«Ja pieršamajskaje bydła i limita, bazaru nul. Ale blizki da centra pryniaćcia rašeńniaŭ». Što Tur piša pad psieŭdanimam u «ekstremisckim» čacie43

«Chapaj jaje za azadak, zaciahni ŭ tualet». U Varšavie zajavili ŭ prakuraturu na pikap-treniera ź Biełarusi Aleksa Leśli7

U Biełarusi pačali pradavać vinahrad «sa smakam cukrovaj vaty». Što za jon?

Va Ukrainie zahinuŭ biełaruski dobraachvotnik «Miesiac»6

Prezident Polščy nakłaŭ vieta na papraŭku da zakona ab dapamozie hramadzianam Ukrainy8

bolš čytanych navin
bolš łajkanych navin

Anatol Kotaŭ užo vyjazdžaŭ u Turcyju i ličyŭ jaje biaśpiečnaj — krynicy8

Anatol Kotaŭ užo vyjazdžaŭ u Turcyju i ličyŭ jaje biaśpiečnaj — krynicy

Hałoŭnaje
Usie naviny →

Zaŭvaha:

 

 

 

 

Zakryć Paviedamić