Pamierła Zoja Kazłoŭskaja, hałoŭnaja sielekcyjanierka jabłyń i navat funduka
Pamierła sielekcyjanierka Zoja Kazłoŭskaja — doktar sielskahaspadarčych navuk, prafiesar. Joj było 65 hod, 40 ź ich jana pryśviaciła navucy, raźvivała novyja kirunki ŭ biełaruskim sadavodstvie — sielekcyju dekaratyŭnych jabłyń i arechaŭ.
Da prychodu ŭ navuku žančyna pracavała hałoŭnym ahranomam u haspadarcy Kiraŭskaha rajona. A ŭ aśpiranturu vyrašyła pastupić, pabačyŭšy abjavu ŭ haziecie pra nabor. Dysiertacyja Kazłoŭskaj była pryśviečana kultury ślivy.
U 1992 hodzie Zoja Arkadźjeŭna stała zahadčycaj adździeła sielekcyi pładovych kultur Instytuta pładavodstva Akademii navuk, paśla ŭznačaliła ŭ adździele łabaratoryju hienietyčnych resursaŭ.
Možna skazać, jana była hałoŭnym sielekcyjanieram jabłyń — raspracavała 23 hatunki. Hatunki Navavita, Krasavita, Zorka, Dyjamient — jaje aŭtarstva. Hetyja jabłyki bolš ustojlivyja da chvarobaŭ i dobra zachoŭvajucca ŭzimku.
Kazłoŭskaja vyvodziła taksama hatunki hrušy, abrykosu i navat arechu.
«Kultura funduka choć i maje daŭnija karani (joj u nas pačali zajmacca ŭ 1960-70-ja hady), ale metanakiravana jaje nie vyvučali. Zoja Arkadźjeŭna sabrała sychodny materyjał, bolš za 200 uzoraŭ hatunkaŭ. Jana vyvieła dva novyja hatunki — Łał (sa staražytnasłavianskaj pierakładajecca jak «rubin») i Jašma. Adzin čyrvanalisny, a druhi zielenalisny. U Maładziečanskim rajonie ŭ fiermierskaj haspadarcy pad navukovym supravadžeńniem sielekcyjaniera zakładaŭsia sad z fundukom», — raspaviadaje dyrektar Instytuta pładavodstva Alaksandr Taranaŭ.
Zoja Kazłoŭskaja taksama apiekavałasia kalekcyjaj pładovych kultur, jakuju ŭ 2012 hodzie pryznali nacyjanalnym zdabytkam.
Ciapier čytajuć
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami1
Kamientary