Navukoŭcy: Efiektyŭnaść charčovych dadatkaŭ dla pachudańnia sumnieŭnaja
Isnujučyja danyja nie dajuć mahčymaści paćvierdzić efiektyŭnaść charčovych dadatkaŭ dla pachudańnia. Pra heta śviedčyć pieršy za 16 hadoŭ maštabny analiz praduktaŭ takoha typu, prezientavany na Jeŭrapiejskim kanhresie pa atłuścieńni.
Padčas daśledavańnia aŭstralijskija navukoŭcy praanalizavali 54 randamizavanyja vyprabavańni za pieryjad da žniŭnia 2018 hoda, u jakich paraŭnoŭvałasia efiektyŭnaść raślinnych dadatkaŭ i płaceba ci preparataŭ, jakija tradycyjna ŭžyvajuć dla pachudańnia. Klinična značnaj ličyłasia strata jak minimum 2,5 kiłahrama vahi. Što datyčyć samich dadatkaŭ, jak piša VVS, daśledčyki vyvučali ŭpłyŭ na pachudzieńnie zialonaj harbaty, harcynii kambadžyjskaj, manhastana, biełaj fasoli, efiedry, afrykanskaha manha, harbaty mate, cysusa čatyrochvuholnaha, łakrycy i ŭschodnieindyjskaha dziadoŭnika.
Vyśvietliłasia, što tolki adzin z hetych dadatkaŭ — biełaja fasola — vyklikaŭ bolšuju stratu vahi, čym płaceba. Roźnica skłała 1,61 kiłahram. Niekatoryja z dadatkaŭ, užytyja razam, pakazali pierśpiektyŭnyja rezultaty, ale pry hetym kolkaść vyprabavańniaŭ była zanadta małaj, a ich praviadzieńnie nie adpaviadała navukovym standartam.
Daśledčyki taksama praanalizavali 67 randamizavanyja vyprabavańni bijałahična aktyŭnych dadatkaŭ dla pachudańnia, zroblenyja da śniežnia 2019 hoda. Pad uvahu trapili chitazan, hlukamanan, fruktany i kanjuhavanaja linolevaja kisłata. Usie dadatki, akramia fruktanaŭ, pakazali nievialikuju (da 2 kiłahramaŭ) pieravahu ŭ efiektyŭnaści ŭ paraŭnańni z płaceba.
Hałoŭnaja aŭtarka daśledavańnia, supracoŭnica Sidnejskaha ŭniviersiteta Eryka Beseł (Erica Bessell), źviartaje ŭvahu na toje, jak mała my viedajem pra charčovyja dadatki dla pachudańnia. Takija preparaty ŭ apošni čas zrabilisia vielmi papularnymi, ale jakasnych daśledavańniaŭ ich efiektyŭnaści jašče nie pravodziłasia.
Ciapier čytajuć
Padpałkoŭnika z fakulteta vajskovaj raźviedki sudziać za «zdradu dziaržavie» pa spravie, jakaja vyhladaje palityčnaj. Što pra jaho viadoma?6
Kamientary